Chiềng Hoa nhiv no muôx 35 jok, đros trâu yax 3.285 zis nênhs. Hâur ntơư, 21 luz jok tox siaz thiaz 14 luz jok nhoz puôz ntus đêx Đas, phênhv ntâuz zos Hmôngz, Poz ziz thiaz La Ha nhoz. Đhâu ntâu tiav nênhx, têx pêx xênhv thax tsav xã tsênhv tsưx jông thiaz nthuôr huôv têx txux chi, cênhz xưv txơưr hlo, đhâu têx cêr chai, đaz kruôk txos trâu tsôngk hnar thiaz têx kak nox hâur luz nênhx yênhx hnuz.

Hnuz grâuv pax Txux chi cxuô hair nênhs đros trâu kriz ciaz tox siaz ntơưv xã Chiềng Hoa jias tiv 1 shông 2025 tâu kriz đros trâu ntâu têx hâux lưv li siz tưr tsôngk hnar jông, tưr sênhr chêr, tưr uô kak nox kaz; siz tưr thể thao li ntâuk txir toz, por poz, truz hluô, lâuz pak, tuôr nduôk, tuô hnênhr...

Nhoz trâu hâur Hnuz grâuv pax tsênhv kriz ciaz tox saz, ntâu têx hax huv ntơưv thax tsav li: Txir tuôz ziz, njuôs tsâu cuô txoz, graix kâuz thiaz têx tsôngk hnar tưz tâu sơưr đơưk chox tuôx muôs trâu pêx xênhv thiaz têx kruô nuôv zax thâuv tuôx côngv cêr lov jêv ntơưv no.

Hnuz grâuv pax txux chi xã Chiềng Hoa zos thơưx shông tâu kriz, chia tsưx tsuôx, nthuôr huôv tâu jông cxuô hair nênhs têx txux chi jông, paz muôx qơư uô si nhaz xênhz, lov jêv chia tok shông yiaz; moz siaz siz tưr uô kôngz lông, lax luôv, chia lês tar cêr tuôr xav huôv tsar nhiax txiax - xã hội cias thâuv têx hnuz hâu hli  2026.