Yênhx shông, ndax trâu luz 11 hli ntux, thâuv tưz sâu tas têx kôngz, pêx xênhv nhoz ntơưv xã Yên Châu ho tror kaz kriz Jâus grâuv pax nox mor blêx yiaz chia uô tsâus txos luz ntux luz têz viv iz shông muôx huôz chuô jông, kôngz lông sâu tâu nju. Grâuv pax muôx oz phênhv: Phênhv đaz kruôk thiaz phênhv kriz cêr lov jêv. Hâur phênhv đaz kruô, cêr lais mor blêx yiaz tâu uô tsiv txiax los đros trâu têx zav li graix buô, kaiz, chơưr, txir nox, cxur ciz, mor blâuv blêx têz… Txir đaz lais hlôngr njêx muôs tsôngv pêx xênhv uô tsâus txos paz côngz zơưv txưr, ntux têz thiaz têx cêr por hưv muôx lênhx trâu jêx jok cov muôx iz shông uô tâu kôngz lông, ntu nênhx tâu nox kaz hnar jông.

Ntơưv phênhv lov jêv, tưz kriz cxiax cxênhv nthuôr cưr cxiax sênhr chêr đros 34 jax zos txux chi Poz Ziz, muôx yax  200 cưk txux, nênhs haik cưr cxiax sênhr chêr nhoz têx câu lạc bộ tsưx tsês txux chi hâur zuk tỉnh thiaz luôs tỉnh tuôx côngv. Têx jax sênhr chêr, cưr cxiax, ntâuk trax cênhz cưv, tưz yênhx đaiv đuôz zênhx zav txux chi jông, trâus nênhs kror muôs saiz.

Jâus grâuv pax Nox mor blêx yiaz ntơưv pêx xênhv Poz Ziz, xã Yên Châu tsik zos jâus chia pêx xênhv siz njiz, siz nus, mak tsênhv đênhr tâu cêr jông siaz lol sâuv têx txux chi trâu cxuô fâuv nênhs, cxơưz cxiv huôv tsar nuôv zax txux chi hâur thax tsav.