Gra kôngz txir nox jông txơưr hlo, huv OCOP ntơưv tỉnh nthuôr muôs hâur têx jias kriz ciaz, cxơưz cêr lax luôv thiaz nthuôr txux chi tox siaz zos Trung tâm Cxưx nhiax uô, Cxơưz cêr lax luôv thiaz Nuôv zax tỉnh Sơn La fuô lês hâur ntu đhâu. Yênhx qar tsêr huv tâu saiz zos “kror trai txux chi” paz kruô nuôv zax hâur têz qơưk thiaz oz chas têz pâuz mênhx đuô thax ar, tiz nênhs Sơn La.

Ntơư Jias kriz ciaz Chaix ntux lax 2025 ntơưv Trung tâm Triển lãm Quốc gia (Hà Nội), qar tsêr huv tỉnh Sơn La nhoz hâur kror qơư “Chaix ntux lax têz qơưk Việt - Muôx ntâu xiv thiaz tsư ha” gruô hu yênhx cxênhz tus kruô tuôx ndis shuôk thiaz tâu kruôk “Kror qơư nthuôr jông yax hlo”. Qar tsêr huv kria pâuz ntâu kôngz txir nox jông txơưr hlo, li: Bơ, chuôz thox hmaz, na sầu, xaz lênhx tsêr liaz hlưz, cà phê Arabica, yuôx zêx Shan tuyết… đros têx huv tu jông, li: Mo môngk, txir khơưz muôz kra cov njôngx thiaz kruôr. Tsêr tsar lơưx, tuôr têk sênhr chêr, đhia pak thiaz tsôngk hnar cênhz cưv muôx ntâu xiv paz kruô nuôv zax chuôs li tâu nhoz hâur jêx jok Tây Bắc ntơưv Tuôv chênhz.

Pos Nguyễn Thị Khánh Vân, nhoz Hà Nội, kria pâuz: Cur lok six nhiav qar tsêr huv Sơn La. Iz chas nthuôr muôs kôngz txir nox, pêz tsênhv tâu saiz tuôr têk sênhr chêr Poz Ziz, check-in ntơưv tsêr tsar lơưx, hâur pâuk tsoz cuôz yuô blaiv thiaz tuôz ziz chia saiz đaz muôs. Kror qơư nthuôr txux chi tâu uô jông uô, paz pêz pâuz mênhx đuô kror nhiav kruô ntơưv tiz nênhs Sơn La.

Trơưk pos Lê Thị Hồng Anh, Giám đốc Trung tâm Cxưx nhiax uô, Cxơưz cêr lax luôv thiaz Nuôv zax tỉnh Sơn La, kror txơưr hâur hâux lưv cxơưz cêr lax luôv ntu đhâu, tỉnh Sơn La tsik zos “gra hax huv muk đêz” xưz mak tsênhv “gra txux chi đros”.

Txuv jias kriz ciaz chaix ntux lax shông no, Công ty cổ phần Phúc Sinh Sơn La tưz kria pâuz têx hov cà phê Arabica Sơn La, yuôx zêx Cascara, muôx yênhx cxênhz tus kruô tuôx hâuk. Niav lâuk Hoàng Thị Hòa Thương, nhân viên uô luôv ntơưv Công ty, kria pâuz: Đhâu kriz ciaz, pêz muôx nzir ntâu tuz luôv siz chos uô nox. Kror lar haik yax, bê lax luôv cà phê Sơn La haik khênhx, đuôz tiz nênhs, tox trôngz hâur pês tox siaz haik tas nro tâu ntâu lênhx pâuz txos .

Txix hâu shông txos nhiv no, Trung tâm Cxưx nhiax uô, Cxơưz cêr lax luôv thiaz Nuôv zax tỉnh tưz txuv 19 jias kriz ciaz, cxênhx xưv hâur têz qơưk; kriz 6 cxênhx xưv cxơưz cêr lax luôv, kria cxuô kror qơư pâuz đros têx hâux lưv chính trị, txux chi lox hloz ntơưv tỉnh ntơưv Hà Nội, Hải Phòng, Thành phố Hồ Chí Minh. Tsik tas li, tỉnh tsênhv xav tơưv đuôz kria cxuô kror qơư pâuz trơưk pêz luk (Nga, Trung, Anh), paz max trâu paz côngz xưv cxưx nhiax uô ntơưv Liên bang Nga, kria pâuz xênhz txơưv, cêr muôx liv, dự án tso pênhr uô, kôngz txir nox zov chênhr ntơưv Sơn La trâu oz chas têz. 

Ntâu hâux lưv cxơưz cêr lax luôv tâu hlôngr yiaz trơư faz sir zôngv chuôz zênhx số, paz muôs tas kôngz txir nox, kria cxuô kror qơư pâuz têx qơư nuôv zax jông. Ntâu tus kruô pâuz txos Sơn La đhâu kriz ciaz, đhâu têx qar tsêr huv, tưz xair tsov tuôx shuôk thax ar Sơn La chia ndis shuôk txux chi jông thiaz nox jâuz mor kaz thax tsav. Têx tour “Iz hnuz siv uô tuz kôngz Sơn La”, “Tuôr têk sênhr chêr Poz Ziz hâur chaix pax txir khơưz tơưs" yênhx luôs hâux lưv jông, chia cê huôv tsar nuôv zax jêx jok cê huôv tsar huv kôngz lông.

Pos Lê Thị Hồng Anh, thav pâuz: Ntu zuôr txos, pêz tror saz lax trâu tỉnh hlôngr yiaz tsưr ziv kriz ciaz, côngv nthuôr txux chi- cêr lov jêv- nuôv zax- cêr lax luôv trơưk faz txơưx uô hâux lưv đuô. Moz siaz xav tơưv têx qơư nthuôr hax huv zôngx ziv trâu têx kruô ndis shuôk, têx jax đaz nênhs thav txos hax huv jông, chia paz kruô nuôv zax “pov - xuôk - xav” tâu kôngz txir nox, txux chi Sơn La.

Kror siz chos uô hâur nthuôr muôs kria pâuz hax huv thiaz txux chi tưz paz hax huv muôx gri đuô, cxơưz Sơn La tik tâu bê lax luôv thax tsav truôx njês. Yênhx qar tsêr huv, yênhx jax tuôr têk sênhr chêr, yênhx tsôngk hnar hair nênhs tsơưs tâu kria pâuz puôr lênhx zos txux chi jông, cxiv tsa iz Sơn La hlôngr yiaz thiaz txuôs jông cxuô hair nênhs txux chi.