Tuôx txos Yar cơưv Mầm non Chiềng Lề, pêz tâu đros têx mê nhuôv txuv tiết cơưv bê hu uô “Uô tuz lênhv tsâus ntâu”. Uô ntêx tiết cơưv zos jax luk thav “Zos Têz qơưk mê nhuôv” zos cưk kria thiaz shuv xênhz siz chos pir txưr zos tus tuz lênhv ndaiv tsêr nênhs muk uô hâux lưv por hưv têz qơưk. Tiết cơưv tâu "Tuz lênhv AI" uô jông chox lês. Têx mê nhuôv hnar tsôngk jông li "Chiến sĩ mê", êv hnaz, tsav yêz ntơưr lok sik grak muk trâu hâur kror ar, uô hâux lưv paz chơưz pêx xênhv mas ntux nas hiav. Suôx câuv tiết cơưv, têx cxênhx cxênhv tâu cxiv tsa đhâu đaiv ntơưr kria pâuz cêr xar muôx 3 zav "Uô tsâus ntâu-Njênhs njôngr-Siz hluz", paz mê nhuôv zâuk pâuz njênhs njôngr, uô tiar phênhv shuôv ntơưv tus pêx xênhv Việt Nam.

Pos Trần Thị Thanh Hoa, Phó Hiệu trưởng Yar cơưv Mầm non Chiềng Lề, thav pâuz: Yar cơưv tưz moz siaz tso tơưv têx hâux lưv ndis shuôk, chia hlôngr yiaz têx tiết cơưv thiaz nhiav cơưv ntơưr ntơưv têx mê nhuôv. Đhâu têx hâux lưv, cxuô tus mê nhuôv tâu uô zos li tuz lênhv, fuô lês mênhx pêv, paz cxiv tsa đuôz Tuz lênhv Zơưv Hloz Hôx jê mêx nhuôv đuô, pâuz uô tsâus thiaz nhiav têz nhiav qơư.

Niav lâuk Cao Thị Thanh Hải, taz tov muôx tus mê nhuôv cơưv ntơưv Yar cơưv Mầm non Chiềng Lề, haik tiak: Pov tâu mê nhuôv kria pâuz hnar tsôngk tuz lênhv, tsav yêz tăng, jax đaz nênhs thav txos têx tuz lênhv muk uô hâux lưv por hưv têz qơưk, cur lok six shir phaz cơưs. Têx tiết cơưv ndis shuôk muôx txiax njis lok six zov chênhr, paz têx mê nhuôv muôx pênhr xưv, njênhs njôngr đuô.

Ntơưv Yar cơưv THPT Thuận Châu, Ban Giám hiệu yar cơưv chox car côngv muôz lok fuô đros cxênhx cxênhv choz kria cênhz cưv thax tsav trâu têx tiết cơưv đros têx hâux lưv saiz hloz hnuz 22/12. Hâur têx tiết cơưv Ngữ văn, Lịch sử, đuôz têx nênhs lâuk đrav ntêx nhoz  hâur thax ar Sơn La tâu têx cưk kria muôz lok kria ntơưr, chox tâu têx mê nhuôv zâuk cêr njênhs njôngr trâu zuk qơư nhoz. Têx jias cơưv ntơưv yar puôv, cxuô tus shuv xênhz tưz piar jax luk kria pâuz cênhz cưv, zos qơư chia shuv xênhz kria pâuz zuk cêr xar, ndo txiax njis têx fâuv lâuk.

Đros trâu Yar cơưv Đại học Tây Bắc, choz kria cênhz cưv uô têz uô qơư tâu Đoàn trường muôz lok fuô lês đros têx hâux lưv muôx txiax njis zov chênhr. Hâur jias ndo txiax njis shông no, Đoàn trường tưz kriz "Tiết cơưv đriv têz” ntơưv Tus ndêx chiv đriv 242 thiaz Zênhx Đriv têz Chiềng Tương. Ntơưv no, sinh viên tưz tâu mnôngs têx jax đaz nênhs "Nênhs gruôs uô hâux lưv jông" lok sâuv tir tar têx nênhs uô luôv zax zênhz chia por hưv truôx njês jêx jok đriv têz nhoz njias to.

Tix lâus Kiều Tiến Lương, Bí thư Đoàn trường Đại học Tây Bắc, thav: “Tiết cơưv đriv têz” zos tsưr ziv choz kria chính trị siaz xav lok six zov chênhr mak Đoàn trường taz tov txuôs jông fuô lês. Chox sinh viên tuôx txos thax tsav đriv têz, chia têx lơưr tâu xuôk tus ndêx chiv đriv, pov tâu tuz lênhv đriv têz têx txov nhêv. Ntơư zos jias paz trâu yênhx tus sinh viên pâuz mênhx đuô hluôk nênhs phênhv shuôv por hưv jông thax tsav, đriv têz nhoz njias to.

Têx tiết cơưv ndis shuôk thiaz hâux lưv muk shuôk cxuô qơư ntơưv têx yar cơưv tưz uô tâu hâux lưv muôx kaz hâu. Têx cênhz cưv uô têz uô qơư tưz nhoz trơưr yênhx tus shuv xênhz cêr xar; paz fâuv hluôk pâuz mênhx đuô cêr thax zênhz kror muôx gri, chia tsik tsês sir jos cơưv shâuv.