Ntơưv phường Tô Hiệu, Ban Thường vụ Đảng ủy phường tưz tso tơưv tsưr ziv fuô lês cêr sik tưr; cxiv tsa Ban Chox car huôv tsar cêr hlôngr yiaz muôx phaz nzưr, hlôngr pâur số thiaz txo tsơưs ntâuz ntơưr; cxiv tsa 49 tổ chuôz zênhx số jêx jok ntơưv têx tổ, jok. Hâur hli Hlôngr pâur số, phường tưz iz cxix muk kria pêx xênhv pâuz đhos, sir zôngv têx tsưr ziv số. Puz sâu bê số tus khênhx; kriz zôngv thẻ BHYT trâu tsưr ziv VNeID; paz sâu bê, sir zôngv đaiv ntơưr sâu gri nhiax điện tử txix máy suôr nhiax trâu 100% ziv nênhs uô luôv; kria pâuz tsưr ziv hlôngr pâur số trâu tsêr luôv; kria ziv nênhs uô luôv pâuz kriz zôngv BHXH zos chai. Txos nhiv no, 100% cán bộ, công chức, tiz nênhs uô nuv tâu kria pâuz tsưr ziv số;100% shuv xênhz cxuô cấp tâu kria cêr pâuz số paz max trâu hâux lưv cơưv ntơưr; yax 65% tus hloz tiar nênhs tâu kria pâuz tsưr ziv số sâuv cxênhx cxênhv xênhv bê điện tử.

Ntơưv phường Chiềng An, Đảng ủy phường tưz muôz tsưr ziv số lok trâu jias cơưv chi bộ trơưk chaix thiaz jias cơưv chuyên đề; tsik tsês chox car sir zôngv tài khoản xênhz bê điện tử VNeID trâu đảng viên thiaz pêx xênhv. Phường moz siaz số hóa txo tsơưs ntâuz ntơưr trâu Qơư Txaik nhav thiaz thiv ntâuz ntơưr; paz thêv nhiax tsik zôngv nhiax ntơưr trâu têx jias thêv nhiax. Phường tưz cxiv tsa 27 tổ chuôz zênhx số jêx jok kria pêx xênhv pâuz sir zôngv têx tsưr ziv số cias hâur ziv nênhs...

Ntơưv jias uô hâux lưv, Tổ côngz xưv tưz kruôk trâu têx kror uô tâu hâur fuô lês cêr sik tưr “Pêx xênhv cơưv shâuv hlôngr pâur số” ntơưv têx phường; đros ntơư cxiz cov têx phường tror tsik tsês zaz zâuv, hlôngr yiaz hâux lưv kria pêx xênhv pâuz sir zôngv tsưr ziv số; tsik so sir zôngv ntâuz ntơưr số hâur paz uô tiar ntâuz ntơưr; zênhx max đơưk tâu sai têx txov nhêv, khuôv đais hâur fuô lês hâux lưv, paz hlôngr yiaz muôx kaz hâu hlôngr pâur số hâur thax tsav.