Lês trơưk hâux lưv “Cêr hlôngr pâur số”, ngành Choz kria ntơưr tưz muôx ntâu faz tsưr ziv fuô kria txos trâu cán bộ, công chức, viên chức thiaz shuv xênhz, chia cov pâuz, lês trơưk; cuz siaz tưx cơưv, cxaz nzir tsưr ziv thiaz hlôngr số. Hur si ngành tưz kriz 112 zav hâux lưv fuô kria trâu 52.000 lênhx shuv xênhz côngv cơưv; cxuô yar cơưv THPT kriz 595 lớp kria thiaz paz kria tsưr ziv cơưv số, muôx yax 42.000 lênhx shuv xênhz cơưv; cxiv tsa 59 kror qơư hlôngr uô hâux lưv zôngv chuôz zênhx số tâu jông.

Đros ntơư, Sở Kôngz lông thiaz Môi trường tưz fuô lês jông hâux lưv “Cêr hlôngr pâur số” txos trâu hur si công chức, viên chức, nênhs uô hâux lưv; kria sir zôngv têx zav nhoz đruôz mair, li  AI, qơư tsês, IOC uô hâux lưv. Phênhv ntâu cán bộ tưz thôngz iz trôngx lul, chia cơưv yưv ti vi thiaz têx zav chuyên ngành. Shông 2025, Sở công nhav 26 faz tsưr ziv nhoz trâu yax 19 kror hâux lưv, phênhv ntâu zôngv công nghệ thông tin; đros ntơư paz tuz kôngz kria muôs têx hax huv sâuv cêr luôv điện tử, paz iz phênhv tưs cov têx hax huv muôs tâu gri.

Muôx lul hâur jâus uô hâux lưv, đồng chí Đinh Thị Bích Thảo tưz kruôk têx hâux lưv uô tâu lol sâuv fuô lês “Cêr hlôngr pâur số” ntơưv têx sở; đros ntơư cxiz cov lês trơưk chox car ntơưv Trung ương thiaz ntơưv tỉnh, cxiv tsa cêr tuôr xav lês trâu shông 2026 cov mênhx nênhs, mênhx hâux lưv, mênhx phênhv shuôv. Moz siaz kria nzir tsưr ziv zôngv số, đros trâu cxênhz uô tiar hâux lưv trâu cán bộ, công chức, viên chức, nênhs uô nuv. Moz siaz fuô thiaz kria pêx xênhv hlôngr yiaz zôngv số cov zôngx ziv to tâuz, zôngx ziv ndo chia kriz.  Cxiv tsa, huôv tsar têx qơư lês tâu jông, cxơưz paz chôngz pêx xênhv, shuv xênhz kriz zôngv số, paz iz phênhv pêx xênhv txơưx kriz chia zôngv số.