Lês trơưk Quyết định 696/QĐ-CDT Hnuz xiaz 6/11/2025 ntơưv Thơưx chox Cục Dự trữ têz qơưk lok sâuv zok njêr têz qơưk tsês trâu UBPX tỉnh Sơn La. Trơưk têx hâux lưv ntơư, Chi cục Dự trữ têz qơưk thax tsav 5 zok yax 1.395 tấn njêr têz qơưk tsês trâu UBPX tỉnh Sơn La chia paz pêx xênhv mas ntux nas, caz moz hiav. Đhâu no, zuôr zok thiaz nhav njêr cias ntơưv kror trôngx tsêr têz qơưk tsês cxuô tsar zav, zôngv yêz thâux zos tỉnh Sơn La bax, txix hnuz xiaz 6/11 tax tas hnuz 30/11/2025.

Ntơưv jias uô hâux lưv, têx đại biểu tưz saz lax hâux lưv zok njêr têz qơưk tsês, paz trâu pêx xênhv mas ntux nas, caz moz hiav cov tâu sai, cxiz cov Bộ Chỉ huy Quân sự tỉnh paz yêz thiaz nênhs thâux; gruô hu nênhs thiaz máy ntiv njêr, njais njêr ntơưv qơư tsês trâu yêz thâux.

Ntơưv jias uô hâux lưv, đồng chí Đặng Ngọc Hậu cxiz cxuô sở, ngành cov siz chos cxênhz, sâu mênhx yênhx ziv pêx xênhv mas ntux nas, caz moz hiav txâuk chai têz qơưk paz njêr. Đros ntơư, cux saz lax trâu UBPX chia tso chai phaiz njêr trơưk đraiv chai, hnuz nhôngs thiaz huv chai trâu pêx xênhv. Bộ Chỉ huy Quân sự tỉnh khov Quân Khu II paz yêz thâux njêr xa txos ntuô têx pêx xênhv ntux nas, caz moz hiav hâur thax tsav thôngz tỉnh txix cias hnuz 17/11. Zok trâu Sở Dân tộc thiaz Tôn giáo nhav njêr ntơưv tsêr tsês njêr cxuô zav têz qơưk, por hưv cov jông, sir jos lês cov tiar hâux lưv zok njêr uô ntêx hnuz 30/11.