Dự án txox cêr lox muk lok hâur thax tsav Mộc Châu tâu UBPX tỉnh tso chai lês trơưk Quyết định số 2018/QĐ-UBND hnuz 31/8/2021. Xav hur si ntêr 10 km muk đhâu 3 phường: Vân Sơn, Mộc Sơn, Mộc Châu; hâur ntơư, hâu txox cêr ntơưv Km183, cêr lox số 6 (nhoz tổ dân phố 70, phường Vân Sơn); kaz txox cêr Km192+800, cêr lox số 6 (nhoz tổ dân phố 5, phường Mộc Châu). Xav hur si thax ar fuô lês dự án đar 41,9 ha; hâur ntơư thax ar tsuv yaik 600 ziv nênhs muk nhoz yiaz đar 35,8 ha.

Nhiv no, dự án tưz tso chai thêv nhiax ar shôngz ntông, paz 57 jias thiaz 1 jias tâu paz txơưr trâu 342 ziv, tus khênhx, thuk 24,4 ha ar. Lok sâuv cxiv puôz, dự án taz tov fuô lês 5 poz ntiar cxiv puôz, li: Muôs chuôz zênhx, zuz ntông cxuô zav; cxiv puôz têx ntu cêr Km0-Km4, Km4-Km8, Km8-Km10; yaik qơư nhoz yiaz, thêv tror kaz txox hluô điện 35kV.

Jias uô hâux lưv, tsưr muôz nhiax uô, UBPX têx phường tưz kria têx txov nhêv, khuôv đais hâur côngz xưv yaik qơư nhoz yiaz chia fuô lês dự án tsênhv lês kênhz, li ntơư tsik muôx txâuk qơư zok trâu tsưr tâu ntiar cxiv puôz uô zos hnuz nhôngs tênhv. Iz cxia jok yiaz tsik tâu uô tiar hâux lưv thuk ar, tuôr thênhv txos hâux lưv bax ar thêv trâu têx ziv nênhs mas thuk ar. Chuôz zênhx cxiv puôz plơưr cêr tâu côngv sir zôngv hâur têx poz ntiar tiz nênhs cxiv puôz nhoz hâur dự án, tiv zos têx ntu cêr taz tov cxiv puôz tsik tâu thôngz hâur têx poz ntiar tiz nênhs cxiv puôz li ntơư hâux lưv thâux ar, poz jêz cxiv puôz plơưr cêr tsênhv njiz ntâu cêr txov nhêv. Hâur ntâuz ntơưr xav tơưv dự án tsênhv yuôr iz cxia kror qơư xav tơưv  tsik fiv huv thax tsav nhoz jê tsuv cxiv kho đuô...

Fuô luk hâur jias uô hâux lưv, đồng chí Đặng Ngọc Hậu cxiz cov tsưr muôz nhiax uô, têx phường moz siaz cxiz njôngr têx tsưr tâu ntiar cxiv puôz zênhx max uô tiar txox cêr; tik gri thêv nhiax ar shôngz ntông trâu têx ziv nênhs txâuk chai nzor zok thax ar trâu đơn vị cxiv puôz; moz siaz cxênhz yuôx tsov xav hâur pâuk ar thiaz tik gri thêv nhiax ar shôngz ntông trâu têx qơư tsik tâu cxiv puôz; tsik tsês fuô lês têx dự án yaik qơư nhoz yiaz tưz tsov xav; tsik so zaz zâuv, pâuz mênhx pêx xênhv siaz xar, chox tâu sơưr đơưk cêr thôngx siaz fuô lês tiar dự án.