Trơưk tuôr xav tỉnh Sơn La ntu 2021 - 2030, tsov xav shông 2050 tưz tâu Thủ tướng chính phủ tso chai lês, kria pâuz cxiv tsa thiaz huôv tsar Thax tsav nhiax txiax trôngx lôngs ntiax têz Lóng Sập thiaz Thax tsav nhiax txiax trôngx lôngs ntiax têz Chiềng Khương trơưk faz ntâu ngành, ntâu hâux lưv, yênhx trung tâm cxơưz cêr lax luôv, trung tâm logistics ntơưv tỉnh đros trâu cxiv puôz vax tsêr, cêr muk lok siz luôs jok, hlôngr yiaz, cxưx nhiax uô zôngx ziv đros trâu têx cêr chai paz muôx liv, cxơưz huôv tsar nhiax txiax- xã hội ntơưv tỉnh, por hưv đriv têz qơưk nhoz njias to.

Đros trâu hâux lưv cxiv kho trôngx lôngs Chiềng Khương yênhx trôngx lôngs ntiax têz, Ban Chỉ huy Tuz lênhv Đriv têz tỉnh tưz cxiv tsa tsov xav mênhx pêv thax tsav trôngx lôngs zos qơư chuôz zov chênhr chia cxưx nhiax cxiv puôz vax tsêr cêr muk lok txâuk chai trôngx lôngs ntiax têz. Nhiv no, Ban Chỉ huy Tuz lênhv Đriv têz tỉnh tưz tsov xav, cxênhz yuôx xuz thơưx thax tsav trôngx lôngs têx kror taz tov muôx nhiv no, sâu tsês hur si têx hâux lưv cik txos chia saz lax fuô lês trâu ntu zuôr txos zos chai.

Đros ntơư, kria Bộ Tư lệnh Tuz lênhv Đriv têz pâuz hâux lưv fuô lês Tsov xav Trôngx lôngs zov chênhr Chiềng Khương hâur thax tsav tỉnh Sơn La; tso tơưv Ntâuz ntơưr piar số 68/TTr-BCH hnuz xiaz 08/01/2026 lok sâuv zok hâux lưv thiaz kênh nhiax fuô lês Đồ án cxiv kho hur si tsov xav Trôngx lôngs zov chênhr Chiềng Khương, piar Sở Tài chính, Ủy ban pêx xênhv tỉnh Sơn La pâuz paz cxênhz yuôx, tso chai lês zos chai; hâur ntơư xav hur si ntâuz ntơưr tuôr xav nhiax pênhr cxiv kho Tsov xav xã Chiềng Khương thiaz kria pâuz nhiax pênhr cxiv tsa Tsov xav Trôngx lôngs zov chênhr Chiềng Khương lok six zov chênhr chia fuô lês têx cxênhx cxênhv txuôk nzir.

Câuk luk jias cơưv, đồng chí Đặng Ngọc Hậu cxiz cov Ban Chỉ huy Tuz lênhv Đriv têz tỉnh đros xã Chiềng Khương thiaz cxuô sở, ngành cik txos zênhx max tuôr xav, cxênhz yuôx chia uô tiar hâux lưv cxiv kho hur si tsov xav thiaz tsov xav mênhx pêv Trôngx lôngs zov chênhr Chiềng Khương. Trơưk tsov xav, cêr thor uô têx dự án cxưx nhiax cxiv kho vax tsêr cêr muk lok txâuk chai trôngx lông zov chênhr, lar haik tsov xav sir zôngv chuôz zênhx số thiaz tsưr ziv trôngx lôngs txơưx njê chia hlôngr yiaz muôx kaz hâu hâux lưv saiz car. Sở Tài chính saz lax trâu UBPX tỉnh paz nhiax pênhr fuô lês hâux lưv cxiv tsa thiaz cxiv kho tsov xav chia zênhx max uô tiar hâux lưv tâu zok. Sở Cxiv puôz kria Ban Chỉ huy Tuz lênhv Đriv têz tỉnh thiaz xã Chiềng Khương pâuz fuô lês zos li cxênhx cxênhv, cêr chai tso tơưv sir jos cxiv kho tiar tsov xav uô ntêx luz 6 hli shông 2026./.