Shông cơưv 2025-2026, Yar cơưv Cao đẳng Sơn La tưz nhav kria luk Việt trâu 397 lênhx shuv xênhz thiaz học viên ntơưv 9 tỉnh têz qơưk Lok Tsuôk, hâu ntơư, 128 học viên zos cán bộ têx sở, ngành, tuz lênhv cơưv luk Việt 9 luz hli; 40 học viên cơưv luk Việt uô ntêx zuôr cơưv Trung cấp Lý luận chính trị; 229 lênhx zos shuv xênhz dự bị luk Việt uô ntêx zuôr cơưv têx chuyên ngành hâur têx yar cơưv cao đẳng, đại học ntơưv tỉnh Sơn La.

Iz chas choz kria chính khóa, Yar cơưv Cao đẳng Sơn La tsênhv kriz têx hâux lưv trâu shuv xênhz côngv têx cêr uô si, nthuôr txux chi, sênhr chêr, thể dục, thể thao; muk ndis shuôk têx qơư cênhz cưv, qơư uô si hâur tỉnh Sơn La thiaz iz cxia qơư hâur thax tsav Việt Nam chia cov pâuz lok sâuv txux chi, cênhz cưv, tiz nênhs Việt Nam thiaz cxaz nzir pênhr xưv haik luk Việt.

Muôx luk jias no, đồng chí Hà Trung Chiến cxiz cov têx sở, ngành ntơưv tỉnh tror moz siaz cxênhz têx cêr chai paz max chia lês côngz xưv siz khov choz kria têx shuv xênhz Lok Tsuôk; đros ntơư zok trâu Yar cơưv Cao đẳng Sơn La tsuv bax cxix cxuô zav chia têx shuv xênhz cơưv shâuv, nox nhoz, cxơưz paz cxaz nzir tâu côngz bê, cêr njênhs hâur siz khov choz kria txix li tỉnh Sơn La thiaz têx tỉnh Kâuv têz qơưk Lok Tsuôk.

Ndax jias no, têx tỉnh Bò Kẹo, Phông Sa Lỳ, Luông Nậm Thà (têz qơưk Lok Tsuôk) tưz muôz ntơưr kruôk trâu yar cơưv Đại học Tây Bắc, Cao đẳng Sơn La thiaz Cao đẳng Y tế Sơn La tưz muôx ntâu cêr paz hâur côngz xưv choz kria nênhs uô hâux lưv trâu têx tỉnh Kâuv têz qơưk Lok Tsuôk.