Ntơưv jâus taz nhav, Paz Đại biểu Quốc hội tỉnh Sơn La tưz choz 25 triệu đaiv nhiax paz kho đơưk ntux nas hiav thax tsav tỉnh. Ntơưv no zos cêr paz cxơưz zênhx max, pov njôngr cêr moz siaz tas jos ntơưv Paz đại biểu Quốc hội  txos cêr nox nhoz ntơưv pêx xênhv; pov njôngr phênhv shuôv ntơưv đại biểu txos cử tri.

Thơưx car Ủy ban MTTQ Việt Nam tỉnh tưz kria têx zav mas ntux nas nhaz yôngz thiaz côngz xưv nhav thiaz phaiz nhiax paz txos pêx xênhv mas ntux nas hiav. Đros ntơư, muôx lul uô tsâus txos Paz Đại biểu Quốc hội tỉnh tưz moz siaz, kênh cêr phiv liv thiaz côngv têk paz pêx xênhv, chuôz jos paz pêx xênhv thax tsav mas ntus hiav truôx njês cêr uô nênhx nox nhoz.

Đros hnuz no, Ủy ban MTTQ Việt Nam tỉnh cux nhav tâu 100 triệu nhiax ntơưv Tổng Công ty Yêz za Việt Nam; 50 triệu nhiax ntơưv Công ty THHH Thành Đạt; yax 39 triệu nhiax ntơưv Công ty Thủy điện Sơn La paz kho đơưk têx zav mas ntux nas hiav.

Xav txos 5 six zar hnuz kaix xiaz 8/9, Ủy ban MTTQ Việt Nam tỉnh tưz nhav tâu yax 50 tỷ 214 triệu nhiax ntơưv têx cơ quan, đơn vị, tsêr luôv, paz pơưs, tus khênhx hâur tỉnh thiaz oz chas tỉnh paz pêx xênhv Sơn La mas ntux nas hiav. 

Thơưx car Ủy ban MTTQ Việt Nam tỉnh muôx luk uô tsâus txos têx cơ quan, đơn vị, paz pơưs, tus khênhx tưz moz siaz paz txos thiaz côngv têk paz pêx xênhv mas ntux nas hiav. Têx hâux lưv uô zos txiax njis jông yax, paz cêr chia siaz, nhiax txiax trâu tsôngv pêx xênhv zos luz jos lox, muôx txiax njis paz pêx xênhv thax tsav ntux nas hiav truôx siaz, truôx njês cêr nox nhoz thiaz uô kôngz lông.