Paz côngz xưv tưz yuôx 3 thax tsav tsov xav txar pêx xênhv nhoz yiaz muôx: Jok Ui nhoz xã Vân Hồ, jok Páng thiaz jok Nà Chá nhoz xã Tô Múa. Txos ntu no, têx đơn vị uô taz tov xuôk máy móc, chuôz zênhx cxiv tsa qơư txar pêx xênhv nhoz yiaz.

Txox cêr yêz muk chênhr Hòa Bình - Mộc Châu muôx nduô ntêr đhâu thax tsav Sơn La li 32,3 caik, muk đhâu têx xã Vân Hồ, Tô Múa thiaz phường Vân Sơn, đros 760 ziv pêx xênhv mas hiav, hâur ntơư 72 ziv tsuv txar qơư nhoz yiaz, xav têx ar zuôr sâu tror kaz muôx li 318,3 ha. Nhiv no, Trung tâm Huôv tsar ar tỉnh tưz đros têx thax tsav kriz cxênhz ar, chuôz tav, kôngz lông, tuôr xav tsưr ziv thiaz thêv nhiax trâu têx ziv pêx xênhv.

Ntơưv jâus cơưv, hlôngr njêx muôs têx sở, ngành thiaz thax tsav tưz fuô cêr lês côngz xưv yêv qơư; iz cxia cêr chor nhov cik txos nuv kho đơưk ar jôngr jêx jol, ar jôngr zok trâu ziv nênhs saiz car thiaz taix khov UBPX tỉnh tsưr ziv đơưk tu.

Câuk luk jâus cơưv, đồng chí Phó Chủ tịch UBPX tỉnh cxiz cov têx đơn vị, thax tsav côngv lês tias, uô sai yêv qơư đo, sir jos zok trâu tsưr cxiv tsa trâu hnuz 30/10. Đồng chí zok trâu Sở Kôngz lông thiaz Môi trường tỉnh chox car têx nênhs cxênhz jôngr sox njôngr, cxiz nuv txar ntông, chuôz tav sâuv ar trơưk faz tưz tâu chai tso lês. Sở Cxiv puôz muôx cêr xav cxênhz yuôx, sox njôngr thiaz fuô cêr lês yênhx hnuz ntơưv têx qơư txar pêx xênhv nhoz yiaz, đros ntơư saz lax UBPX tỉnh tso tơưv ntâuz ntơưr sox njôngr, cxiz têx nênhs ntiar uô lês zos cêr tuôr xav uô. Sở Tài chính tror kaz kria Ban Saiz car dự án cxiv tsa puôz têx công trình cêr yêz lok sâuv lưv ciz tưr yôngv gri chuôz tav; Trung tâm Huôv tsar ar zênhx max tu têx cêr khov ntơưv têx đơn vị, xav gri thêv cov zos chai, chok nxiak cêr muôx liv zos chai ntơưv pêx xênhv.