Lês trơưk ntơưr chos luk siz khov hâur Côngz xưv siz chos por hưv thiaz phax tar tuô, hluôr tơưk cuz har jôngr thax tsav đriv têz Sơn La – Hủa Phăn, ntu 2024-2025, côngz xưv siz chos lês hâux lưv ntơưv oz ngành kôngz lông thiaz môi trường Sơn La thiaz Hủa Phăn hâur ntu đhâu tưz lês tâu ntâu hâux lưv jông. Oz saz têz qơưk tưz saz lax tsik so thiaz siz chos phax tar ntov têx nênhs ruôr hiav har jôngr, tsưx hưv truôx cêr nhaz xênhz thax tsav đriv têz.

Txix luz 9/2024 txos luz 7/2025, Sở Kôngz lông thiaz Môi trường Sơn La tưz chox car Chi cục Kiểm lâm cơưv 15 jâus cấp xã, 217 jâus cấp jok ntơưv têx huyện Yên Châu, Mộc Châu, Vân Hồ (thâuv tsik tâu hlôngr nov hâu oz cấp), muôx yax 14.400 lênhx cơưv. Sở Kôngz lông thiaz Môi trường Hủa Phăn tưz chox car Chi cục Cxênhz yuôx têx zav nhoz đruôz tsuôs siz chos muk fuô chai ntơưv 46 thôn, jok trâu yax 2.300 lưv lênhx.

Cxuô paz nênhs muôx vax huôv tỉnh Sơn La tưz cxênhz thiaz bluô 69 txuz plâuz ruôr jôngr; 5 txuz thâux ntông zuôv chai. Tỉnh Hủa Phăn chox car cxuô đơn vị cxênhz đriv têz tâu 27 lưv, cxênhz thiaz bluô 2 txuz uô luôv zuôv chai, thâux thiaz muôs têx zav nhoz đruôz jôngr tsik zos ntông; nzor cxênhz thiaz bluô 3 txuz uô hluôr tơưk cuz har jôngr thax tsav đriv têz…

Ntơưv jias uô hâux lưv, têx đại biểu tưz saz lax thôngz thiaz cir ntơưr chos luk siz khov lês côngz xưv saiz car por hưv har jôngr thiaz phax tar hluôr tơưk cuz jôngr thax tsav đriv têz Sơn La - Hủa Phăn, ntu 2025 - 2026, zuôr tsuv: Saz lax tsik so lok sâuv côngz xưv saiz car por hưv har jôngr, saiz car têx zav nhoz đruôz jôngr thiaz phax tar hluôr tơưk cuz jôngr tsênhr cov siz luôs oz saz têz qơưk. Siz chos bax, kria nzir tsưr ziv phax tar hluôr tơưk cuz jôngr trâu têx xã, jok nhoz thax tsav đriv têz. Siz chos njuôk tsov, siz kria tsưr ziv por hưv cxuô tsar cxuô zav nhoz hâur đuôz tsuôs cov huôv tsar truôx njês đros đraiv por hưv jôngr.