Taz thiaz uô nuv đros Paz nênhs muôx đồng chí Đặng Ngọc Hậu, Phó Chủ tịch UBPX tỉnh, thơưx car têx Ban ntơưv HĐPX tỉnh thiaz têx sở, ngành cik txos.

Ntơưv jâus uô nuv, Paz cxênhz yuôx tưz fuô têx bê ntâuz ntơưr zos HĐPX, UBPX tỉnh tso tơưv hâur ntu 2012-2025 muôx njiaz luk tsik fiv huv cêr chai têz qơưk, muôx: Nghị quyết số 142/2020/NQ-HĐND hnuz 30/10/2020 lok sâuv xav sir nhiax lês nuv xav tơưv txux, Jâus tưr thiaz têx jâus tưr xav tơưv txơưx fiv-chuôz zênhx, tsưr ziv thax tsav tỉnh; Nghị quyết số 42/2022/NQ-HĐND hnuz 31/8/2022 lok sâuv nhiax puz kruôk, paz têx paz pơưs, tus khênhx lês jông côngz xưv toz hâu nênhs.

Quyết định số 08/2021/QĐ-UBND lok sâuv phaiz kiz saiz car kriz lês nuv têz qơư hâur cơ quan hành chính, đơn vị xưv cxênhx têz qơưk; Quyết định số 03/2024/QĐ-UBND lok sâuv côngz xưv siz tưr, kruôk tiz nênhs; Quyết định số 07/2012/QĐ-UBND lok sâuv saiz car cưk kria kria ntơưv têx qơư choz kria, cxaz nzir; Quyết định số 51/2025/QĐ-UBND lok sâuv kria nzir, cơưv nzir; Quyết định số 106/2025/QĐ-UBND tuôr xav mênhx pêv iz cxia grê ntơưv Chai Đêx ar shông 2024; Quyết định số 107/2025/QĐ-UBND kho đuô, cxaz nzir mênhx pêv lês Chai Por hưv tox trôngz nyiaz hur…

Txix li  têx sở, ngành piar kria, Paz cxênhz têx yuôx ntâuz ntơưr cêr chai têz qơưk zos thax tsav tso tơưv cux muôx cxix cxuô, fiv huv cêr khov tsênhz mênhs. Paz nênhs tuôx cxiz cov UBPX tỉnh thiaz têx sở, ngành yôngv siaz cêr to tâuz, phênhv shuôv hâur côngz xưv saz lax thiaz tso tơưv ntâuz ntơưr, lês ntov chai xav lưv ciz, uô ntơưr; đros lês ntov trâu cơ quan cxênhz yuôx, cxênhz saiz chia chok nxiak tiv khơưr txox chai, vax huôv thiaz thôngz iz trôngs luk. Têx sở, ngành thâuv lês saz lax cxiv tsa ntâuz ntơưr tsuv riz kria cxix cxuô lok sâuv tiv khơưr chai têz qơư, cêr xav, njiaz luk thiaz kror uô tiar; tsik so saiz shuôk,yuôx têx ntâuz ntơưr nhuôv kruôr tơưv yiaz, zênhx max kho đuô têx ntâuz ntơưr tsik fiv huv. Đros ntơư, uô tiar lưv hâux lưv cxênhz yuôx, tso tơưv ntâuz ntơưr chia lês muôx liv thiaz tâu jông saiz car têz qơưk.

Fuô luk ntơưv jâus uô nuv, đồng chí Đặng Ngọc Hậu, Phó Chủ tịch UBPX tỉnh sâu nhav têx ndâux luk paz ntơưv Paz cxênhz yuôx. Đồng chí cxiz têx cơ quan cik txos đros lês ntov, kho đơưk têx zav uô tsik tiar, chok nxiak têx ntâuz ntơưr ntơưv tỉnh fiv huv chai têz qơưk, siz chos lês jông hâux lưv saiz car têz qơưk thiaz paz max huôv vav nhiax txiax - xã hội.