Ntơưv jias cơưv, Ban Saiz car têx tsêr mair tỉnh tưz fuô quyết định lok sâuv tso chai muôz nhiax lês dự án Tsêr mair Dream Plastic Mai Sơn. Trơưk ntơư, dự án zos Công ty TNHH Dream Plastic, nhoz ntơưv Ninh Bình, uô tsưr cxưx nhiax cxiv puôz ntơưv lô CN2.7, Têx tsêr mair Mai Sơn, xã Chiềng Mung.

Dự án tuôr xav zuôr uô têx chuôz zênhx uô si trâu mê nhuôv zâuk thiaz têx hax huv zos muôz trox ntôngk uô, xav uô tâu 20 triệu hax huv/shông. Hur si pênhr nhiax lês hâux lưv 7 triệu USD, xav bâuv zuôr luôs 181 tỷ đaiv, hâu ntơư pênhr côngv ntơưv tsêr cxưx nhiax mal 3 triệu USD, pênhr gruô hu 4 triệu USD. Dự án đar 11.733 m² ar ntơưv thax tsav tsêr mair Mai Sơn, six hơưv sir zôngv 50 shông. Trơưk tuôr xav, tsêr mair zuôr cxiv puôz tiar thiaz muôz lok uô hâux lưv trâu hli 3/2026.

Đồng chí Nguyễn Thành Công, Phó Chủ tịch UBPX tỉnh haik tiak: Dự án Tsêr mair Dream Plastic Mai Sơn fiv huv trâu cêr tuôr xav huôv tsar tsêr mair ntơưv tỉnh, paz muôx hâux lưv uô, sâu nju nhiax thiaz cxơưz paz hlôngr tsưr ziv uô hâux lưv. Tỉnh Sơn La chos luk zuôr cxơưz paz tsêr luôv, đros ntơư zok trâu Ban Saiz car thax tsav tsêr mair siz khov paz uô ntâuz ntơưr, paz max chia cov dự án nzor fuô lês tâu jông.

Hlôngr njêx muôs Công ty TNHH Dream Plastic tưz uô tsâus txos tỉnh Sơn La, Ban Saiz car têx tsêr mair thiaz têx sở, ban, ngành hâur ntu bax uô têx ntâuz ntơưr. Công ty chos luk zuôr fuô lês dự án trơưk đraiv cêr tuôr xav, trơưk đraiv cêr chai, sir jos paz huôv tsar nhiax txiax - xã hội, paz muôx hâux lưv uô, đros ntơư lês jông phênhv shuôv lok sâuv por hưv đêx ar, huôz chuô nyiaz hur, por hưv nênhs uô hâux lưv đas jos thiaz muôx phênhv shuôv trâu Têz qơưk.