Dự án cxiv puôz cưx đêx thiaz tu têx đêx kiak nênhs thành phố Sơn La, ntu 1b hur si pênhr nhiax kho đuô, cxaz nzir yax 208 tỷ đaiv, txix li pênhr nhiax ODA ntơưv Chính phủ Đức, Chính phủ Thụy Sỹ thiaz pênhr nhiax Têz qơưk. Muôx 2 zav hâux lưv zov chênhr, li: Kho đuô 8 ntu cêr thiaz cưx tso đêx nas; kriz đar qơư tso đêx kiak nênhs nzir txâuk trâu zuôr luôs 3.650 zis tso đêx por tsês.

Tov kaz 5 shông fuô lês, txos  nhiv no, dự án phênhv ntâu tưz lês tiar, trơưk đraiv cêr tuôr xav tso tơưv, côngz xưv tso đêx ntưk thiaz tu têx đêx kiak nênhs tâu lês tsik tsês, trơưk đraiv cêr chai. Txix shông 2024 txos nhiv no, muôx 3.263 zis đhok car tso đêx kiak nênhs, cxaz nzir hur si têx zis đhok car tso đêx txos 8.668 zis. 

Muôx luk jias no, zơưs Thomas Rival tưz kruôk txos têx hâux lưv tỉnh Sơn La lês tâu jông hâur chox car lês dự án, yax hlo zos lês hâux lưv muôx phênhv shuôv, lês tâu dự án jông, txâuk chai. Đros ntơư, cux saz lax, muôx ndâux luk cxênhz mênhx pêv trâu dự án chia cov dự án lês tiar trơưk đraiv cêr tuôr xav thiaz muôz lok sir zôngv tâu jông.

Muôx luk ntơưv jias uô hâux lưv, đồng chí Lê Hồng Minh tưz uô tsâus txos Paz côngz xưv ntơưv Tsêr nhiax Tái thiết Đức tưz paz txos tỉnh Sơn La lês dự án, tsi njênhk trơưk đraiv cêr tuôr xav, muôz lok sir zôngv tưz paz max trâu hâux lưv sâu por tsês, tu têx đêx kiak nênhs por hưv đêx ar, huôz chuô ntơưv thành phố Sơn La tâu jông đuô, fiv huv tiêu chí đrôngs hov 2. Tỉnh Sơn La zuôr lês jông côngz xưv fuô kria chia cov pêx xênhv siz khov lês jông hâux lưv đhok car đêx trâu qơư tso đêx kiak nênhs ntơưv Thành phố. Khov cov tsêr nhiax Tái thiết Đức tror moz siaz paz txos Ban Saiz car dự án ODA tỉnh hâur côngz xưv cxênhz yuôx suôx câuv dự án cov tâu jông thiaz trơưk đraiv cêr chai.