Hâur hâu hnuz piz uô nox, zuôr luôs 100 tus nênhs ntơưv Trung tâm tưz moz siaz nzuôr, tsuôv cuô jâuz njuôz tơư ok thiaz ntiv poz cưk kaz jiz hâur hnaz chia muôs trâu têx têz qơưk Nhật Bản, EU, Mỹ.

Trơưk tsưr ziv tso tơưv hâur shông 2025, Doveco Sơn La zuôr đhos tiar chuôz zênhx ntiv txir hâur thôngz ntơưr xuz thơưx ntơưv Việt Nam zos Tetra Pak - Thuỵ Điển xav tơưv; tror đros têx hợp tác xã, moz siaz cxiv tsa tsưr ziv uô nox muôx kaz hâu thiaz chos luk tsưx jông gri zuôr kôngz, txir nox truôx njês. Tsov xav sâu zuôr cov tâu 80.000 tấn kôngz, txir nox cxuô zav, li: Mor môngk, txir khơưz kâuz, jâuz njuôz tơư ok, poz cưk kaz jiz, tâuv pâur…

Đồng chí Nguyễn Thành Công tưz kruôk Trung tâm Tsuôv cuô jâuz, txir Doveco Sơn La têx sir jos paz trâu xưv cxênhx nhiax txiax-xã hội ntơưv tỉnh tsik tsês huôv tsar. Đros ntơư, xar cov shông 2025, đơn vị tror uô tâu nox; zuôr thiaz tsuôv cuô têx huv kôngz, txir nox muôx liv fiv huv, truôx njês hâur tsêr luôv thiaz têx hợp tác xã cux li pêx xênhv. Tror paz nênhs txov nhêv hla đhâu cêr phiv liv; por hưv têx nênhs uô nuv luz nênhx tâu jông; tso siaz uô hâux lưv hâur tsêr luôv.