Jias cơưv muôx têx đồng chí: Đặng Ngọc Hậu, Phó Chủ tịch UBPX tỉnh; Nguyễn Minh Tiến, Phó Chủ tịch UBPX tỉnh; nov chox car cxuô sở, ngành cik txos. Jias no, cươưv trực tuyến thôngz 13 luz xã đriv têz hâur tỉnh.

Lês trơưk câuk luk 81-KL/TW ntơưv Bộ Chính trị lok sâuv chai cxưx nhiax uô Yar cơưv trâu têx xã đriv têz, tỉnh Sơn La tưz cxênhz, xair qơư uô Yar cơưv phổ thông nội trú tiểu học- THCS ntơưv 13 xã luz xã đriv têz, uô cxix ntơưr xa trâu Bộ Choz kria tso chai muôz  nhiax uô têx Yar cơưv no cias hâur shông 2025, zuôr uô cov tiar trâu shông 2026. Hâur ntơư, kho đuô têx ntơưr uô Yar cơưv nội trú tiểu học - THCS xã Phiêng Pằn zos uô yiaz; kho tas nro têx nhiax chia uô tas nro 13 dự án txix 2.756 tỷ ndê yax 2.812 tỷ nhiax.

Txos nhiv no, tưz muôx 6 luz xã cir tiar ntơưr kho tas nro têx ntơưr njuôk tsov đêx ar thiaz cxênhz têx ar; thuk têx chuôz tav đros thax ar. Nhiv no, tsênhv taz tov uô ntâuz ntơưr thêv nhiax yêv qơư, paz pêx xênhv yêv muk nhoz đuô qơư yiaz; kria mênhx têx ntơưr paz pêx xênhv, kria mênhx têx ntơưr njuôk tsov.

Muôx luk ntơưv jias uô hâux lưv, đồng chí Xuân Xênhv Tsaz cxiz cov têx xã no đros Sở Cxiv tsa saz lax cov thôngz xair qơư uô yar cơưv; tsi njênhk lês côngz xưv yêv qơư uô têx hlo; xair têx đuôz cok chia uô yar cơưv fiv huv yênhx thax tsav. Sở Tài chính zênhx max zok hâux lưv uô tsưr cxưx nhiax trơưk đraiv cêr chai; khov tas nro cxuô sở, ngành siz chos lês hâux lưv trơưk phênhv shuôv tâu zok, moz siaz siz chos đros cxuô qơư zênhx max đơưk cov tiar cxuô cêr phiv liv yưv hâur ntu lês hâux lưv.