Côngv jias njiz cử tri muôx đồng chí Quàng Thị Xuyến, Ủy viên Thường trực HĐPX tỉnh, Thơưx ban Txux chi - Xã hội ntơưv HĐPX tỉnh; thơưx car têx xã: Tường Hạ, Gia Phù, Kim Bon, Tân Phong thiaz chôngz lênhx cử tri xã Tường Hạ.

Tov kaz mnôngs thơưx car xã kria pâuz lok sâuv hâux lưv huôv tsar nhiax txiax - xã hội, por hưv thax tsav nox nhoz njias to hâur luz hli 11, fuô lês hâux lưv hâur hli 12 shông 2025, hlôngr njêx muôs Tổ đại biểu số 12 HĐPX tỉnh tưz kria trâu cử tri têx jias cơưv chuyên đề 33, 34, 35, 36, 37 ntơưv HĐPX tỉnh; hâux lưv tu cử tri ndâux luk khov tưz xa trâu HĐPX tỉnh uô ntêx thiaz tov kaz Jias cơưv tiv 11; kria txos six hơưv, qơư kriz, njiaz luk kriz Jias cơưv tiv 12, HĐPX tỉnh khóa 15.

Hâur jias cơưv, thơưx car thiaz cử tri têx xã Tường Hạ, Gia Phù, Kim Bon, Tân Phong khov cov têx cấp muôx vax huôv nzor fuô lês Dự án cxiv puôz qơư nhoz yiaz ntơưv jok Cóc 1 txâuk trâu 40 zis nhoz ntơưv 9 luz jok mas ntux nas hiav yaik lok nhoz; muôz nhiax chia đơưk cêr phiv liv viv ntux nas hiav ntơưv jok Pa (ntu cêr txix ntơưv xã Tường Hạ muk trâu xã Kim Bon); moz siaz muôz nhiax kho đuô txox cêr têz qơưk 43 muk trâu đrôngs xã Kim Bon thiaz ntơưv xã Tân Phong muk trâu têx xã Bắc Phong, Đá Đỏ kuz; muôx tsưr ziv por hưv cêr nhaz xênhz ntơưv txox cêr tỉnh 114 (ntu ntơưv xã Tường Hạ muk trâu xã Mường Bang, Nam Phong kuz); muôx cêr chai paz nhiax muk lok trâu têx cán bộ, công chức thâuv hla đêx muk uô hâux lưv; cxiv puôz yiaz tsêr txux chi cov fiv huv trâu pêx xênhv cêr sir zôngv...

Tổ đại biểu HĐPX tỉnh thiaz thơưx car UBPX xã Tường Hạ tưz têz cử tri ndâux luk khov trơưk vax huôv; đros ntơư sâu cử tri têx ndâux luk khov chia xa trâu têx cơ quan muôx vax huôv saz lax, tu trơưk đraiv cêr chai.