Lês cêr cxiv tsa puôz yar cơưv trâu têx xã đriv têz, tỉnh Sơn La côngv chox car, gruô hu nhiax txiax fuô lês dự án cxiv puôz Yar cơưv phổ thông nội trú liên cấp Tiểu học - Trung học cơ sở ntơưv 13 xã đriv têz. UBPX tỉnh tưz tso tơưv ntâu ntâuz ntơưr tsênhv chênhz li: Quyết định tsa tơưv thiaz cxaz nzir thành viên Ban Chox car fuô lês dự án; Cêr xav số 207/KH-UBPX hnuz 9/10/2025 lês “Tuôr xav cxiv puôz yar cơưv trâu têx xã đriv têz”; Quyết định zok trâu nênhs cxiv tsa thiaz zôngv chai txơưr chia chok nxiak li hnuz nhôngs xav uô...

Txos nhiv no, 13/13 xã tưz uô tiar xav hur si thax qơư cxiv puôz; 12/13 xã uô tiar côngz xưv njuôk qơư, cxênhz têx chuôz tav, xav têx ar thiaz kriz lus faz thêv qơư đo. Tsov xav tas hnuz 25/10, hur si têx xã txâuk chai thêv nhiax trâu pêx xênhv. Têx tsưr cxiv tsa taz tov uô tiar hồ sơ fuô kria tsov xav uô tâu chia piar cxênhz yuôx, tso chai lês dự án uô ntêx hnuz 30/10.

Tỉnh tưz kriz Jâus piz cxiv puôz Yar  cơưv phổ thông nội trú liên cấp ntơưv 3 xã: Phiêng Pằn, Chiềng Khương thiaz Mường Lèo; 8 xã tsov xav zuôr piz puôz trâu hnuz 30/10. Cias xã Lóng Sập tâu xair tsov kriz Piz puôz tiz cxix thôngz têz qơư  trơưk chox car ntơưv Thủ tướng Chính phủ trâu hnuz 2/11/2025.

Fuô luk ntơưv jâus cơưv, đồng chí Nguyễn Minh Tiến, cxiz têx thax tsav uô tiar hur si côngz xưv yêv qơư đo uô ntêx hnuz 30/10; têx tsưr cxiv tsa zênhx max uô tiar hồ sơ, piar cxênhz yuôx, tso chai lês dự án trơưk tuôr xav, chok nxiak cêr xav hur si ntơưv tỉnh. Têx tsưr cxiv tsa xair nênhs ntiar muôx txâuk pênhr xưv, tsưr ziv; siz nus nzơưk đros đơn vị puôz uô ntêx thâuv chos luk; cxiv tsa cêr puôz trơưk xav, muôx têx cok tsês uô mênhx pêv, gruôv trâu Ban Chox car chia sox njôngr, cxiz cov lês. Xav li Jâus piz puôz ntơưv xã Lóng Sập, zok trâu Công an tỉnh chox lês đros têx đơn vị cik txos cxiv tsa cêr xav mênhx pêv, bax cxix cxuô côngz xưv tok taz đại biểu, chok nxiak nhaz xênhz txos cxênhx xưv.