Jâus no muôx đồng chí Thox Nhiax Shôngx, kuz Ủy viên Trung ương Đảng, kuz Chủ tịch Trung ương Hội Nông dân Việt Nam, kuz Bí thư Tỉnh ủy; têx đồng chí Ủy viên Ban Thường vụ Tỉnh ủy; thơưx car iz cxia sở, ngành ntơưv tỉnh.

Thơưx car xã Long Hẹ tưz kria têx hâux lưv huôv tsar nhiax txiax - xã hội, por hưv cêr nox nhoz njias to, côngz xưv cxiv tsa Đảng shông 2025; têx hâux lưv zuôr lês trâu shông 2026. Hâur shông đhâu, xã Long Hẹ tưz chox car pêx xênhv chos 1.150 ha kôngz lông, sâu tâu 1.316 tấn; chos 630 ha kok ntông, njuôk xav zuôr sâu tâu 7.749 tấn; chos yiaz 199 ha cà phê, cxaz trâu hur si têz chos cà phê hâur xã txos 238 ha; hâur ntơư, muôx 39,26 ha tưz tâu sâu, xav tâu hur si 98,15 tấn; xav hur têz chos ntông nox txir tâu 662,9 ha. Huôv tsar tu zus tsiax cxu yênhx hax huv, xav hur si yax 53.000 tus; por hưv jông têx har jôngr muôs, muôx jôngr nzôngr txos 54,1%.

Saz txux chi, xã hội muôx ntâu hlôngr yiaz; côngz xưv cxiv tsa Đảng tâu moz siaz lês; cxơưz pênhr xưv chox car trâu tổ chức đảng thiaz đảng viên txix cơ sở; cêr nox nhoz njias to tâu tsưx truôx.

Đồng chí Bí thư Tỉnh ủy tưz kruôk xã Long Hẹ têx hâux lưv uô tâu jông hâur shông đhâu. Đros ntơư, cxiz cov xã tror moz siaz txos côngz xưv cxiv tsa Đảng, cxiv kho ndêx ntus chính trị cơ sở; lês jông hâux lưv ntơưv nov hâu thax tsav oz cấp; zaz zâuv pêx xênhv moz siaz huôv tsar nhiax txiax, cxuz cêr yaiz pluôs. Iz chas ntơư, xã moz siaz kriz lês têx hâux lưv cxơưz paz pêx xênhv nox tsiaz lov jêv, txuôs sir zôngv; moz siaz txos zis nênhs muôx côngz trâu têz qơưk. Bax jông cxuô zav chia kriz yênhx côngz jâus xair đại biểu Quốc hội khóa 16 thiaz HĐPX cxuô cấp, ntu 2026 - 2031...

Ndax jias no, têx đồng chí thơưx car tỉnh tưz puz huv trâu cán bộ, đảng viên thiaz pêx xênhv xã Long Hẹ; đros ntơư puz 20 poz huv trâu têx zis pluôs, zis jê cêr pluôs jol Chà Mạy.