Côngv txuv muôx têx đồng chí Ủy viên Ban Thường vụ Tỉnh ủy, thơưx car UBPX tỉnh; nênhs hlôngr njêx muôs iz cxia sở, ngành ntơưv tỉnh.

Ntơưv jâus uô nuv, Paz côngz xưv tưz mnôngs Ban Saiz car têx thax công nghiệp tỉnh fuô kria cêr gruô  hu nênhs cxiv tsa, saiz car tuôr xav thiaz zôngv têx thax công nghiệp thax tsav tỉnh. Trơưk ntơư, ntu đhâu, Ban Saiz car têx thax công nghiệp tỉnh tưz ndo njôngr đros cxuô sở, ngành moz siaz fuô lês gruô hu têx nênhs cxiv tsa trâu Thax công nghiệp Mai Sơn fiv huv cêr  txơưv zênhx, muôx liv ntơưv tỉnh hâur faz jov kôngz txir đros thax qơư chos; đros ntơư trâu siaz zok nriar, chơư têx nênhs cxiv tsa muôx pênhr xưv, tsưr ziv tsov xav cxiv tsa thiaz uô luôv jông Thax công nghiệp Vân Hồ.

Nhiv no, thax ar công nghiệp ntơưv Thax công nghiệp Mai Sơn đar 48,9 ha/63,7 ha; muôx 10 dự án taz tov tâu chai uô. Txix shông 2024 txos nhiv no, Ban Saiz car têx thax công nghiệp tỉnh tưz zênhv chai cxiv tsa 5 dự án đros pênhr nhiax chos luk 1.610 tỷ đaiv; tỷ tsôngv xav uô pur tâu  65%. Têx nuv uô tơưv, lax luôv ntơưv têx tsêr luôv hâur thax công nghiệp tsik tsês tâu truôx khor; iz cxia dự án taz tov khov kho đuô, kriz đar, tsar jos uô tơưv. Shông 2025, têx tsêr luôv hâur Thax công nghiệp Mai Sơn thêv nhiax têz qơư 12,9 tỷ đaiv; muôx nuv uô trâu yax 300 tus nênhs zuk thax tsav.

Iz chas têx nuv uô tâu, txos nhiv no, cêr lês têx zav Thax công nghiệp Mai Sơn ntu I tsênhv kênhz, côngz xưv yêv qơư đo yuôr ntâu khuôv đais; phênhv ntâu têx dự án zâu; Thax công nghiệp Vân Hồ txơưv muôx cêr txơưv zênhx taz sik gruô huv nênhs cxiv tsa dự án uô luôv jông njiz ntâu cêr chor nhov…

Ntơưv jâus uô nuv, nênhs hlôngr njêx muôs Ban Saiz car têx thax công nghiệp tỉnh, xã Chiềng Mung thiaz têx tsêr luôv taz tov uô tơưv, uô luôv ntơưv Thax công nghiệp Mai Sơn khov txos Thường trực Tỉnh ủy tror moz siaz, chox car lês Đề án kho đơưk chor nhov, khuôv đais hâur côngz xưv thêv gri, paz thiaz txar qơư trâu pêx xênhv nhoz yiaz trâu Dự án Thax công nghiệp Mai Sơn ntu I;  hâur ntơư, côngv hlôngr nzir cơ quan lês hâux lưv yêv qơư đo txix UBPX huyện Mai Sơn lok trâu UBPX xã Chiềng Mung trơưk nov hâu thax tsav qơư yiaz; tuôr xav nhiax tỉnh ntu 2026 - 2030 chia fuô lês Dự án cxiv puôz vax tsê thax tsav pêx xênhv txar nhoz yiaz thiaz tsêr nhoz trâu công nhân hâur Thax công nghiệp Mai Sơn; cxaz nzir bê ntâuz ntơưr Dự án cxiv tsa puôz Thax công nghiệp Mai Sơn ntu II hâur cêr xav cxiv tsa nuv têz qơư ntu 2026 - 2030 txix pênhr nhiax têz qơư. Đros ntơư, bax ar pêx xênhv nhoz yiaz chia paz max yêv qơư đo Thax công nghiệp Mai Sơn thiaz têx tsov xav kriz đar, tsik chia trak thiaz lâus ntêr hnuz nhôngs lês dự án. Tror côngv đros têx sở, ngành cik txos yuôx, uô tiar hồ sơ, ntâuz ntơưr chai têz qơư chia piar trâu kiz muôx vax huôv saiz tsov, tso chai lês cxiv tsa Dự án cxiv puôz Thax công nghiệp Mai Sơn ntu II...

Fuô luk ntơưv jâus uô nuv, đồng chí Bí thư Tỉnh ủy tưz kruôk txos têx sir jos, trâu siaz ntơưv Ban  Saiz car têx Thax công nghiệp tỉnh, têx sở, ngành, thax tsav tưz chox car, cov lês, côngv uô nzir Thax công nghiệp Mai Sơn. Đros ntơư, cxiz cov Đảng ủy UBPX tỉnh  tror chox car đơưk chor nhov, khuôv đais hâur côngz xưv thêv nhiax, paz max thiaz txar pêx xênhv nhoz qơư yiaz  trâu Dự án Thax công nghiệp Mai Sơn; tuôr xav pênhr nhiax cxiv tsa nuv têz qơư ntu 2026- 2030 chia lês têx njiaz luk ntơưv Dự án cxiv tsa vax tsê jông Thax công nghiệp Mai Sơn ntu I; saiz tsov, txiar txiv chai cxiv tsa qơư hlôngr jos, yôngv siaz plơưr cêr trâu thax công nghiệp; chox car têx sở, ngành yuôx, uô tiar hồ sơ, ntơưr trơưk chai têz qơư chia piar trâu kiz muôx vax huôv saiz tsov, tso lês cêr xav cxiv tsa Dự án cxiv tsa puôz Thax công nghiệp Mai Sơn ntu II trơưk chai xav.

Ban Thường vụ Đảng ủy xã Chiềng Mung chox car lês têx nuv zuk tâu vax huôv, phênhv shuôv; đros têx sở, ngành thiaz Ban Saiz car têx Thax công nghiệp tỉnh đơưk cêr khuôv đais  lok sâuv côngz xưv yêv qơư đo chia uô tiar Dự án cxiv tsa Thax công nghiệp Mai Sơn ntu I thiaz fuô lês Dự án cxiv tsa ntu II.

Ban Saiz car têx thax công nghiệp tỉnh tror yuôx, cxiz têx nênhs cxiv tsa, tsêr luôv sir jos uô sai têx dự án; uô tiar têx zav công trình, cxiv tsa máy móc thiaz sir zôngv ar trơưk chai cxiv tsa tưz  zênhv lês; yôngv siaz txiax njis cxiv tsa thax công nghiệp; ndo njôngr tsov xav, taix khov faz lês, tsưr ziv uô Thax công nghiệp Vân Hồ thiaz têx thax công nghiệp txơưr trơưk chai, siz chos muôx nuv uô trâu nênhs zuk thax tsav.