Đros muk muôx têx đồng chí: Đào Tài Tuệ, Ủy viên Ban Thường vụ Tỉnh ủy, Giám đốc Sở Cxiv puôz; Nguyễn Minh Tiến, Phó Chủ tịch UBPX tỉnh; thơưx car iz cxia sở, ban, ngành ntơưv tỉnh.

 Xã Mường Khiêng tâu cxiv tsa txix muôz 3 xã: Liệp Tè, Bó Mười thiaz Mường Khiêng, huyện Thuận Châu kuz lok uô cê. Mường Khiêng yiaz muôx đêx ar đar yax 20.400 ha, toz hâu nênhs yax 24.500 lênhx, muôx 4 hair nênhs nhoz uô cê. Tov kaz côngv muôz lok uô cê, Đảng bộ xã muôx 63 chi bộ tâu saiz car đros yax 1.100 đảng viên.

Fuô lês Nghị quyết Đại hội đại biểu Đảng bộ xã Mường Khiêng jâus tiv iz, ntu 2025 - 2030, Đảng ủy xã tưz cxiv tsa tsưr ziv uô mênhx pêv. Txos hnuz 30/10/2025, tưz cxiv tsa tiar 2/3 đề án, li: Đề án lok sâuv huôv tsar nhiax txiax kôngz lông hax huv thiaz Đề án cxiv tsa cêr chai ndêx ntus chính trị đơưz hur truôx njês thiaz cxiv tsa jêx jok yiaz. Đros trâu Đề án lok sâuv sir zôngv cêr txơưx fiv chuôz zênhx jông thiaz hlôngr pâur số hâur thax tsav xã Mường Khiêng ntu 2025 – 2030 taz tov thor têx đơn vị cik txos chia tso tơưv, fuô lês hâux lưv.

Tov kaz yax 4 hli uô hâux lưv trơưk tsưr ziv yiaz, xã Mường Khiêng tưz uô tâu ntâu hâux lưv muôx kaz hâu. Nhiax txiax kôngz lông tâu txuôs jông truôx njês; xav hur si nhiax txiax puôk tsar zav txos hnuz 30/10 sâu tâu yax 198 tỷ nhiax, tsar tsov xav zok. Têx hâux lưv têz qơưk, cxiv tsa jêx jok yiaz, cxuz cêr yaiz pluôs truôx njês tâu fuô lês muôx kaz hâu. Côngz xưv kho moz, choz kria ntơưr, paz nênhs txov nhêv hla đhâu cêr phiv liv tâu moz siaz lês jông, pêx xênhv luz nênhx iz phênhv tưs muôx ntâu hlôngr yiaz.

Txix hnuz xiaz 1/7 txos 30/10/2025, xã tưz zaz zâuv paz 6 lênhx muk uô hâux lưv trâu têz qơưk Nhật Bản; nhiv no 18 lênhx tưz uô tiar ntâuz ntơưr, cêr chai thiaz taz tov cơưv luk Nhật; tsov xav hâur 3 luz hli/2026 zuôr muôx 12 lênhx muk uô hâux lưv trâu oz chas têz.

Đảng bộ xã tưz chox car kriz yênhx côngz Đại hội Mặt trận Tổ quốc thiaz têx tổ chức chính trị - xã hội ntu 2025 - 2030; tsik tsês uô jông côngz xưv cxênhz yuôx, huôv tsar đảng viên yiaz; tsik so uô ntâuz ntơưr ntov chai, hlôngr yiaz tsưr ziv uô côngz xưv trơưk faz jêx pêx xênhv. Côngz xưv tsưx truôx cêr nhaz xênhz tâu fuô lês siz luôs jok, por hưv truôx njês chính trị njias to.

Thơưx car xã Mường Khiêng khov tỉnh moz siaz cxưx nhiax cxiv puôz vax tsêr, cêr muk lok(trụ sở uô côngz xưv thiaz têx kror txơưr, tsêr txux chi, yar tiax lox, tsêr sik tưr ntâu zav, yar yêz, ciaz...) nhoz uô cê; cxưx nhiax cxiv kho cêr muk lok, lar haik txox cêr muk lok hâur tỉnh 116; cxênhz đuô, kênh nhiax uô 2 txox cêr tưz tâu UBPX tỉnh tso chai lês trơưk Quyết định số 1658 hnuz 30/6/2025 ntơưv UBPX tỉnh, zos txox cêr muk lok hâur jok Co Khiết, xã Liệp Tè, huyện Thuận Châu kuz thiaz cxiv kho, uô yiaz txox cêr txix jok Tát Ướt txos đrôngs xã Liệp Tè, huyện Thuận Châu kuz; cxênhz đuô, đros tsêr luôv siz chos uô luôv kôngz txir nox; bax nzir ntâu zav pênhr thiaz chuôz zênhx paz trâu hâux lưv hlôngr pâur; cxaz nzir nhiax txiax fuô lês têx hâux lưv zov chênhr.

Têx đồng chí thơưx car tỉnh, cxuô sở, ban ngành ntơưv tỉnh tưz mnôngs thiaz sâu xã têx ndâux luk khov thiaz têz cxênhx cxênhv trơưk vax huôv tâu zok.

Fuô luk hâur jias uô hâux lưv, đồng chí Phó Bí thư Thường trực Tỉnh ủy cxiz cov cấp ủy, nov hâu xã tror cxơưz têx kror uô tâu, đơưk tâu sai têx cêr txov nhêv, chox car fuô lês jông Nghị quyết Đại hội Đảng cxuô cấp ntu 2025-2030. Uô trơưk jông Cêr chai uô hâux lưv, cxiax cxênhv côngz xưv hur si khoá ntơưv Ban Chấp hành, Ban Thường vụ Đảng ủy xã tưz tso tơưv hâur ntu 2025 - 2030; fuô lês jông hâux lưv cxênhz yuôx hur si khoá; tsik so cxênhz yuôx.

Tsik so chox car fuô lês jông côngz xưv saiz car đêx ar, lar haik côngz xưv yaik qơư nhoz yiaz chia zok ar uô têx dự án; tsik tsês tso tơưv têx tsưr ziv sâu nhiax txiax hâur thax tsav. Cxênhz yuôx, cxiv kho tsov xav hâur thax tsav zos chai. Cxênhz đuô têx dự án zov chênhr tsuv muôz nhiax uô hâur thax tsav xã chia zênhx max thor muôz lok trâu Tsov xav cxưx nhiax uô têz qơưk hâux lưv ntu  2026 - 2031. Saiz car ntov nti thax tsav tsov xav tuôr xav, tsik chia yưv nênhs nav ar, cxiv puôz vax tsêr tsik zos chai hâur thax tsav dự án. Tsưx jông chính trị, por hưv cêr nox nhoz njias to; hlôngr yiaz cêr sik tưr "Hur si pêx xênhv côngv por hưv Têz qơưk njias to"; phax tar ntov nti têx nênhs cik txos zênhz.