Paz côngz xưv tưz shuôk, cxênhz yuôx thiaz phôngv Tsiaz cán bộ, tuz lênhv Zênhx đriv têz Mường Lạn ntơưv xã Mường Lạn thiaz Zênhx đriv têz Nậm Lạnh, Đoàn Kinh tế - Quốc phòng 326 (Quân khu 2) ntơưv xã Sốp Cộp.

Ntơưv têx qơư muk shuôk, thơưx car têx đơn vị tưz kria pâuz têx hâux lưv lês hâur shông 2025; zov chênhr zos fuô lês têx tsưr ziv siz khov đros cấp ủy, nov hâu thax tsav thiaz têx nênhs muôx vax huôv têz qơưk Lok Tsuôk cxênhz yuôx, tir tar têx nênhs cxâuv ntơưv thax tsav đriv têz. Đros ntơư, têx đơn vị tsênhv moz siaz côngv cxiv tsa ndêx ntus chính trị cơ sở, paz pêx xênhv huôv tsar nhiax txiax thiaz txo tsơưs cêr pluôs, lês jông têx hâux lưv paz têx nênhs txov nhêv hla đhâu cêr phiv liv ntơưv thax tsav.

Paz côngz xưv tưz muk cxênhz yuôx hâux lưv lês Dự án Yar cơưv Nội trú liên cấp Tiểu học - THCS Mường Lạn thiaz Yar cơưv Nội trú liên cấp Tiểu học - THCS Sốp Cộp. Yênhx Dự án đar 4,9 ha, txâuk trâu zuôr luôs 1.000 lênhx shâuv xênhz cơưv, muôx tsêr cơưv ntơưr, tsêr bộ môn, tsêr nhênhv ntơưr, tsêr ban giám hiệu, qơư nox, nhoz trâu cưk kria thiaz shâuv xênhz, tsêr uô si thiaz ntâu têx hâux lưv txơưr. Hâur ntu fuô lês dự án tưz tâu nov hâu thax tsav thiaz pêx xênhv jông siaz lês trơưk. Txos nhiv no, đơn vị lês hâux lưv tưz fuô lês hâux lưv laix ar, khơưz kuô tsêr, tsi njênhk cov tâu trơưk đraiv cêr tuôr xav.

Hâur jias no, Paz côngz xưv cux tưz muk shuôk Qơư cênhz cưv Ndêx huôz kas Mường Và, xã Sốp Cộp; cxênhz yuôx Dự án iz cxia qơư ntơưv đrôngs xã Sốp Cộp.

Đồng chí Bí thư Tỉnh ủy tưz kruôk txos têx cêr sir jos ntơưv cán bộ, tuz lênhv Zênhx đriv têz Mường Lạn, Zênhx đriv têz Nậm Lạnh thiaz Đoàn Kinh tế - Quốc phòng 326; đros ntơư cxiz cov têx đơn vị tror nthuôr huôv jông cêr thôngx siaz, moz siaz cxênhz yuôx, por hưv thax tsav đriv têz nox nhoz njias to, phax tar têx nênhs cxâuv, yax hlo zos têx nênhs uô luôv zax zênhz, moz siaz saiz shuôk cán bộ, tuz lênhv jor hâur luz Tsiaz têz qơưk chia cov sơưr đơưk nox Tsiaz shir phaz, nhaz xênhz.

Haik txos têx dự án Yar cơưv Nội trú liên cấp Tiểu học - THCS Mường Lạn thiaz Sốp Cộp, đồng chí Bí thư Tỉnh ủy cxiz cov têx đơn vị lês hâux lưv moz siaz sir zôngv mair, gruô hu tiz nênhs sir jos lês hâux lưv; siz khov đros têx sở, ngành cik txos đơưk têx cêr phiv liv; tsi njênhk lês hâux lưv cov tâu jông, por hưv cêr nhaz xênhz hâur ntu lês hâux lưv thiaz lês tiar trơưk đraiv cêr tuôr xav tso tơưv, chia paz lês tâu jông hâux lưv choz kria ntơưr trâu shuv xênhz đriv têz, huôv tsar nhiax txiax ntơưv thax tsav đriv têz truôx njês.