Paz côngz xưv tưz cxênhz yuôx hâux lưv cxiv puôz Yar cơưv Nội trú liên cấp Tiểu học - THCS Chiềng Khoong. Yar cơưv tâu cxiv puôz hâur thax qơư đar 4,9 ha, hur si nhiax cxiv puôz tas 150 tỷ đaiv, muôx têx qơư: Tsêr cơưv; tsêr uô hâux lưv; qơư nox, nhoz trâu shuv xênhz; qơư trâu cưk kria nhoz; tsêr uô si; đros trâu ntâu têx hâux lưv txơưr. Yar cơưv txâuk trâu zuôr luôs 1.500 lênhx shuv xênhz cơưv.

Nhiv no, côngz xưv yaik pêx xênhv nhoz đuô qơư yiaz tưz lês tiar phênhv ntâu; tưz muôz nhiax tâu zuôr luôs 70% trơưk faz lês trâu sơưr đơưk pov njôngr, ndax ndênhk. Đơn vị lês hâux lưv taz tov moz siaz cxiz nênhs uô hâux lưv, sir jos chia cov dự án lês tâu trơưk đraiv cêr tuôr xav, nzor muôz lok sir zôngv, fiv huv trâu hâux lưv choz kria thiaz cơưv ntơưr ntơưv thax tsav.

Đhâu cxênhz yuôx, đồng chí Bí thư Tỉnh ủy cxiz cov tsưr cxưx nhiax, têx sở, ngành thiaz thax tsav tror moz siaz siz khov, sir jos chox car lês hâux lưv cov sai; lês ntov têx cêr chai lok sâuv cxiv puôz, por hưv cêr nhaz xênhz trâu têx nênhs uô nuv thiaz por hưv đêx ar huôz chuô nyiaz hur; đros ntơư, moz siaz đơưk têx hâux lưv muôx yưv hâur ntu fuô lês.

Paz côngz xưv cux cxênhz yuôx hâux lưv uô lax luôv ntơưv Tsêr mair gạch Tuynel Quyết Tiến, xã Sông Mã. Tsêr mair tâu muôz nhiax zuôr chuôz zênhx lês hâux lưv; lês hâux lưv truôx njês thiaz por hưv tâu đêx ar, huôz chuô nyiaz hur. Xav uô tâu 15 triệu luz gạch/shông, shông 2025, tsêr mair uô tâu 21,7 tỷ đaiv, paz sâu nhiax trâu têz qơưk 700 triệu đaiv. Nhiv no, tsêr mair paz muôx hâux lưv uô trâu 60 lênhx nênhs uô nuv hâur thax tsav, fênhx đraz sâu tâu txix 7-9 triệu đaiv/nênhs/hli.

Đồng chí Bí thư Tỉnh ủy tưz kruôk txos têx zav tsêr mair lês tâu hâur ntu đhâu, paz muôx hâux lưv uô trâu têx nênhs uô nuv hâur thax tsav. Đros ntơư, cxiz cov đơn vị tror kriz đar qơư uô hâux lưv, uô têx hax huv cov jông đuô, fiv huv trâu hâux lưv cxiv puôz hâur hur si tỉnh, yax hlo zos paz muôx têx chuôz zênhx chia lês têx dự án zov chênhr hâur thax tsav Sông Mã, paz sâu nju nhiax trâu têz qơưk, paz huôv tsar nhiax txiax thax tsav.