Hâur 2 hnuz (26, 27/7) ntux lok nas lox, tưz uô trâu đêx cuôr thiaz tox poz ntơưv xã Chiềng Sơ, uô trâu ntâu zis mas đêx nhaz, đêx cuôr; cur muk lok tsik đhâu. Đhâu cxênhz, muôx 32 zis pêx xênhv, yax 110 lênhx nênhs mas hiav.

Paz côngz xưv tưz muk shuôk, cxơưz paz têx zis nênhs mas ntux nas hiav. Đros ntơư, chox car yax 450 cán bộ, tuz lênhv Trung đoàn 754; Ban Chỉ huy Por hưv Thax tsav 2 Sông Mã, Ban Chỉ huy Tuz lênhv đriv têz đros dân quân hâur thax tsav moz siaz paz têx zis nênhs mas hiav đơưk cêr phiv liv chia cov pêx xênhv nzor uô nênhx truôx njês.

Tov kaz cxênhz yuôx thiaz shuôk pêx xênhv xã Chiềng Sơ, đồng chí Hoàng Quốc Khánh, Bí thư Tỉnh ủy chox car thax tsav tror lês jông côngz xưv yaik pêx xênhv thiaz chuôz tav muk trâu nhaz xênhz. Đros ntơư, moz siaz sox njôngr ntux nas, zênx max muôx tsưr ziv phax tar; zênhx max paz chuôz zênhx chia cov pêx xênhv luz nênhx nzor tâu jông đuô.

Đros pêx xênhv hâur thax tsav mas ntux nas hiav kênh tsơưs cêr phiv liv, Paz côngz xưv tưz puz 5 tấn cxur, 1 tấn lương khô đros trâu têx chuôz zênhx li: mì tôm, yuôx, trox ciz jâuz, đêx hâuk... Ntơư zos hâux lưv fiv huv, zênhx max cxơưz jos trâu pêx xênhv ntơưv xã Chiềng Sơ.