Jok Nong, xã Mường Sại muôx 93 ziv nênhs, 470 toz hâu nênhs, 100% zos hair nênhs Poz Ziz. Têx shông đhâu, pêx xênhv hâur jok tưz thôngx siaz, txuôs jông thiaz huôv tsar zuk hair nênhs txux chi cênhz cưv, thax tsav cêr chai kror muôx gri. Yênhx shông, yax 75% ziv nênhs tâu công nhav muôx txux chi; 100% mê nhuôv hâur shông tâu muk cơưv ntơưr; 100% ziv nênhs sir jos cxiv tsa ziv nênhs trơưk cxênhx cxênhv “Nox tsâu, hnar sor, vax huôv siz txis, vav mênhx, uô nênhx shir phaz”. Pêx xênhv hâur jok puôr lênhx kria pâuz, sik paz sik hluz huôv tsar nhiax txiax. Pêx xênhv luz nênhx zênhv hnuz zênhv tâu jông, tsưx truôx thax tsav nhoz njias to.

Đros pêx xênhv jok Nong, xã Mường Sại côngv cêr lov jêv, đồng chí Nguyễn Đức Thành, Thơưx ban Tổ chức Tỉnh ủy tưz kruôk trâu jok Nong têx hâux lưv uô tâu hâur ntu đhâu. Đros ntơư cxiz cov cấp ủy, Ban saiz car jok, Mặt trận thiaz têx tổ chức đoàn thể jok tsik so zaz zâuv, fuô kria Đảng, têz qơưk cêr chai; pêx xênhv hâur jok thôngx siaz fuô lês muôx kaz hâu têx jias gruô hu, cêr sik tưr nhiav têz nhiav qơư.

Ndax jias no, đồng chí Thơưx ban Tổ chức Tỉnh ủy tưz krưr huv ntơưv Tỉnh uỷ, HĐPX,UBPX, Uỷ Ban MTTQ Việt Nam tỉnh trâu pêx xênhv jok Nong.

Uô ntêx ntơư, đồng chí Thơưx ban Tổ chức Tỉnh uỷ tưz muk cxênhz yuôx hâux lưv fuô lês tsưr ziv nov hâu thax tsav 2 cấp ntơưv têx xã: Quỳnh Nhai, Mường Chiên, Mường Sại, Mường Giôn. Đồng chí tưz kruôk trâu têx kror sir jos uô tâu hâur fuô lês tsưr ziv nov hâu thax tsav 2 cấp; tsênhr cov cấp uỷ, nov hâu, Mặt trận tổ quốc thiaz têx tổ chức chính trị xã hội cxuô xã tror cxơưz têx hâux lưv uô tâu, đơưk tâu sai têx cêr txov nhêv, chox car pêx xênhv uô tiar jông hâux lưv tâu zok.