Trơưk li njuôk xav cêr yêz hâur ntu 2021-2030, njuôk xav txos shông 2050 tâu Thủ tướng Chính phủ tưz tso chai lês trơưk Quyết định số 1454/QĐ-TTg hnuz 1/9/2021 ntơưv Thủ tướng Chính phủ thiaz tso chai cxiv kho cêr njuôk xav cêr yêz ntu 2021- 2030, njuôk xav txos shông 2050 ntơưv Quyết định số 12/QĐ-TTg hnuz 3/01/2025 ntơưv Thủ tướng Chính phủ, cêr yêz mul chinhr Sơn La - Điện Biên - Trôngx lôngs Tây Trang, nhoz trâu hur si hâux lưv uô txox cêr yêz mul chinhr txix ntơưv tuôv chinhz Hà Nội tuôx trâu chinhz tsav Tây Bắc; ntơư zos cêr yêz mul chinhr tuôx ntơưv Hà Nội - Hòa Bình - Sơn La - Điện Biên txâuk trâu 4 lênhx yêz mul lol, mul chinhr txix 80-120 km/six. Thủ tướng Chính phủ tưz zok trâu UBPX tỉnh Sơn La thiaz Điện Biên muôz nhiax cxiv tsa uô txox cêr mul chinhr Hòa Bình - Mộc Châu - Sơn La - Điện Biên - Trôngx lôngs Tây Trang (CT.03) thax tsav tỉnh.

Jâus cơưv, hlôngr njêx muôs đơn vị kria ntơưv tỉnh Sơn La thiaz tỉnh Điện Biên tưz haik txos têx tsưr ziv muôz nhiax uô Dự án cêr yêz mul chinhr CT.03 (Sơn La - Điện Biên - Trôngx lôngs Tây Trang), ntu thax tsav tỉnh Điện Biên; tsưr ziv muôz nhiax uô Dự án cêr yêz mul chinhr CT.03 (Mộc Châu - Sơn La - Điện Biên), ntu thax tsav tỉnh Sơn La. Hâur ntơư, Dự án cêr yêz mul chinhr CT.03 (Mộc Châu - Sơn La - Điện Biên) njuôk xav zuôr đêz txos 180 caik; piz uô txix ntơưv Caik 85+262,52, txos ntu suôx câuv Dự án cêr mul chinhr Hòa Bình-Mộc Châu, ntu cêr thax tsav tỉnh Sơn La, txuôk trâu cêr têz qơưk 43 ntơưv phường Vân Sơn, tỉnh Sơn La. Kror suôx câuv puôz đriv tỉnh Sơn La thiaz tỉnh Điện Biên, txos thax tsav xã Mường Bám, tỉnh Sơn La, puôz xã Mường Lạn, tỉnh Điện Biên. 

Têx đại biểu tưz saz lax, zênhv trâu ntu cêr txuôk trâu cêr yêz mul chinhr CT.03, ntơưv kror txuôk txix tỉnh Điện Biên thiaz Sơn La, njuôk xav thax tsav xã Mường Lạn (tỉnh Điện Biên) thiaz xã Mường Bám (tỉnh Sơn La). Oz tỉnh zuôr siz chos côngv fuô lês, siz paz, siz nus chia zênhx max đơưk têx cêr phiv liv, sir jos uô tiar dự án trơưk li tuôr xav, txox cêr yêz mul chinhr Hà Nội - Sơn La - Điện Biên - Trôngx lôngs Tây Trang.

Hlôngr njêx muôs Paz côngz xưv tỉnh Điện Biên, đồng chí Lê Văn Lương, Phó Bí thư Tỉnh ủy, Chủ tịch UBPX tỉnh Điện Biên, tưz kruôk txos kror siz chos côngv lês txix li oz tỉnh hâur cêr njuôk xav ntu cêr siz txuôk. Đros ntơư chia siaz hâux lưv fuô lês cêr yêz mul chinhr zuôr paz trâu cêr siz khov cxuô zav, truôx njês txix tỉnh Sơn La thiaz Điện Biên, cxơưz cêr siz khov uô luôv txix têx tỉnh Tây Bắc trâu thax tsav kaz têz. 

Muôx lul ntơưv jâus uô nuv, đồng chí Nguyễn Đình Việt, Phó Bí thư Tỉnh ủy, Chủ tịch UBPX tỉnh Sơn La, tưz haik hâux lưv thôngz iz trôngs lul uô txox cêr thiaz ntu cêr siz txuôk zuôr paz cxơưz lês sai, nhav nxias fiv huv hâur ntu fuô lês dự án. Tỉnh Sơn La chos lul zuôr muôz nhiax uô yênhx ntu cêr txox Mộc Châu - Sơn La - Điện Biên hâur ntu 2026 - 2030, txuôk cov fiv huv cêr yêz mul chinhr Trôngx lôngs Tây Trang. Đros ntơư cxiz têx sở, ngành ntơưv oz tỉnh zênhx max uô tiar ntâuz ntơưr, saz lax trâu cấp muôx vax huôv tso chai muôz nhiax uô; đros ntơư njênhs tiak txix li kror siz côngv ntov nti ntơưv oz tỉnh mal zuôr cxơưz uô tâu jông txox cêr yêz thiaz huôv tsar nhiax txiax trâu hur si chinhz tsav Tây Bắc.