Hâur jias no, đồng chí Phó Bí thư Thường trực Tỉnh ủy tưz muôz Côngz mênhx 65 shông nhoz Đảng trâu đảng viên Lò Thị Cơi, Chi bộ tiểu khu 3; muôz Côngz mênhx 60 shông nhoz Đảng trâu đảng viên Điêu Thị Dơm thiaz đảng viên Hoàng Thị Pưng, Chi bộ tiểu khu 3; muôz Côngz mênhx 60 shông nhoz Đảng trâu đảng viên Triệu Thị Việt Đoàn, Chi bộ tiểu khu 2, zos Đảng bộ thị trấn Mường Giàng saiz car.

Muôx luk ntơưv jias muôz Côngz mênhx Đảng, đồng chí Lò Minh Hùng tưz kruôk txos cêr paz ntơưv têx đảng viên trâu xưv cxênhx cxiv tsa, por hưv thiaz huôv tsar têz qơưk haik tas nro, huôv tsar tỉnh Sơn La thiaz huyện Quỳnh Nhai haik khênhx. Đồng chí xar cov têx đảng viên tror zos têx nênhs uô ntêx lông tsưx truôx chưx pưv lês hâux lưv ntơưv lênhx đảng viên, zaz zâuv zis nênhs, pêx xênhv lês jông Đảng, Têz qơưk têx cêr chai. Đros ntơư, côngv cxiv tsa Đảng, cxiv tsa nov hâu thiaz puôr lênhx zos luz tsov iar trâu fâuv hluôs zôngs trơưk.

Hâur jias muôz Côngz mênhx Đảng jâus 19/5, Đảng bộ huyện Quỳnh Nhai muôx 39 đảng viên tâu puz Côngz mênhx Đảng txix 30 txos trâu 65 shông nhoz Đảng.

Hnuz 14/5, Ban Thường vụ Huyện ủy Mai Sơn tưz kriz jias puz Côngz mênhx Đảng jâus 19/5 trâu têx đảng viên zos Đảng bộ huyện Mai Sơn saiz car. 

Côngv jias puz Côngz mênhx no, muôx đồng chí Nguyễn Thái Hưng, Ủy viên Ban Thường vụ Tỉnh ủy, Chủ tịch HĐPX tỉnh.

Jias no, Đảng bộ huyện Mai Sơn muôx 155 đảng viên tâu puz Côngz mênhx Đảng, muôx: 1 đảng viên 70 shông Đảng; 3 đảng viên 65 shông Đảng; 6 đảng viên 60 shông nhoz Đảng; 9 đảng viên 55 shông nhoz Đảng; 2 đảng viên 50 shông nhoz Đảng; 25 đảng viên 45 shông nhoz Đảng; 36 đảng viên 40 shông nhoz Đảng; 72 đảng viên 30 shông nhoz Đảng thiaz muôx 1 đảng viên tâu puz  60 shông Đảng.

Muôx luk jias no, đồng chí Nguyễn Thái Hưng tưz kruôk txos têx cêr paz ntơưv têx đồng chí đảng viên trâu xưv cxênhx cxiv tsa Đảng. Đros ntơư, xar cov têx đảng viên tror nthuôr huôv jông cênhz cưv, cxơưz paz cxiv tsa Đảng đơưz hur, truôx njês; côngv choz kria fâuv hluôs lês jông Đảng, Têz qơưk têx cêr chai; zaz zâuv zis nênhs, pêx xênhv côngv đas jos cxiv tsa đrôngs “Đơưz hur - Jông jav”, cxiv tsa luz nênhx vav mênhx…