Jias no, thơưx car Sở Tài chính tưz fuô quyết định ntơưv UBPX tỉnh lok sâuv zênhv tso chai cxưx nhiax uô, lês Dự án cxiv puôz têx tsêr so, tsêr kruô thiaz huôv tsar kôngz lông har jôngr Highland Grands.

Trơưk ntơư, Dự án zos Công ty cổ phần Highland Grands, phường Mộc Sơn tso pênhr uô ntơưv thax tsav huôv tsar kôngz lông sir zôngv chuôz zênhx jông, tổ dân phố Bó Bun, phường Vân Sơn. Dự án cxiv puôz qơư uô si, tsêr so txuôs jos đros huôv tsar kôngz lông sir zôngv chuôz zênhx jông. Sir jos chơư cov tâu 100.000 tus kruô tuôx shuôk yênhx shông thiaz muôs tas 381 tấn huv kôngz lông thiaz 10.000 tsoz pax phax cxor/shông.

Dự án đar 126.809 m², hâur ntơư: 45.096 m² sir zôngv ar lês têx hâux lưv uô lax luôv; 81.713 m² sir zôngv ar huôv tsar kôngz lông. Xav hur si pênhr yax 236 tỷ nhiax; hnuz nhôngs fuô lês dự án 50 shông xav txix hnuz tso chai zênhv cxưx nhiax uô thiaz xair tsưr tso pênhr uô.  

Fuô luk hâur jias cơưv, đồng chí Hà Trung Chiến njênhs njôngr Dự án cxiv puôz têx tsêr so, tsêr kruô thiaz huôv tsar kôngz lông har jôngr Highland Grands zuôr uô tiar zos cêr tuôr xav, côngv huôv tsar nuôv zax thiaz kôngz lông sir zôngv chuôz zênhx jông muôx kaz hâu, paz pêx xênhv muôx hâux lưv uô, thax tsav sâu nzir nhiax zôngv. Đros ntơư cxiz cov cxuô sở ngành trơưk li vax huôv hâux lưv paz tsưr cxưx nhiax uô nzor uô tiar dự án muôz lok sir zôngv. Tsưr tso pênhr uô tưx cxiv tsa tsưr ziv fuô lês dự án zos chai, côngv đas jos lês tiar tsưr ziv huôv tsar nhiax txiax- xã hội ntơưv tỉnh trâu ntu zuôr txos.