Jias cơưv, muôx nov hlôngr njêx muôs Ủy ban Têz Qơưk lês luôs hâux lưv Tiz nênhs thiaz tsưx hưv cxuô zav ntơưv Việt Nam (MAB); Cục Por hưv têx zav xênhz txơưv; Trung tâm Tiz nênhs thiaz têx zav xênhz txơưv; Trung tâm Por hưv têx zav xênhz txơưv thiaz huôv tsar; têx paz pơưs lês hâux lưv Phi Chính phủ; têx đơn vị zoz Sở Kôngz lông thiaz Môi trường saiz car.

Sơn La đar 1.410.889 ha, hâur ntơư, yax 696.872 ha jôngr, muôx: yax 334.638 ha jôngr nzôngr hâur đêx; yax 88.399 ha jôngr lâuk; yax 273.834 ha jôngr uô nox. Muôx jôngr đar yax 671.596 ha, tỷ tsôngv jôngr nzôngr yax 48%. Sơn La zos tỉnh muôx har jôngr đar tiv 3 hâur têz qơưk (uô ntêx thâuv tsik tâu muôz têx tỉnh uô cê), đar tiv iz thax tsav tox siaz kâuv têz. Muôx har jôngr đar, cxuô tsar zav muôx ntâu nhoz hâur đruôz jông thax tsav Tây Bắc, Sơn La zos iz thax tsav muôx ntâu zav zov chênhr ntơưv Tây Bắc.

Lês trơưk câuk luk 221/KH-UBPX Hnuz xiaz 5/11/2025 ntơưv UBPX tỉnh Sơn La lok sâuv cxênhz yuôx cxuô zav chia khov uô ntơưr, côngk nhav thax tsav tsưx hưv cxuô zav muôx txơưv cov cxix cxuô đuô txix têx thax tsav Por hưv têx zav muôx nhoz đruôz jôngr Mường La thôngz plơưk jôngr lâuk Tà Xùa, tỉnh Sơn La. Cxuô sở, ngành, đơn vị cik txos siz chos cxênhz yuôx, khov njuôk tsov côngk nhav têx zav muôx txơưv tas nro nduô đar har jôngr tâu xav 190.000 ha ntâu yax zos saz Hnuz tuôx thiaz Saz hnuz tuôx tos Kâuv têz tỉnh Sơn La.

Thax tsav iz ndis muôx ntâu tsar zav nhoz hâur thax tsav tâu cxênhz yuôx, têx zav muôx txơưv hâur har jôngr đar 46.924 ha thôngz 3 thax tsav: Thax tsav 1 zos thax tsav Por hưv têx zav muôx txơưv hâur har jôngr Mường La đar 17.897 ha; thax tsav 2 zos jôngr lâuk Tà Xùa đar 16.956 ha; thax tsav 3 zos jôngr puôz thax tsav 1 thiaz thax tsav 2 (nhoz ntơưv têx xã Ngọc Chiến, Chiềng Hoa, Xím Vàng) tas nro đar 12.071 ha. Thax tsav iz ndis muôx ntâu zav xênhz txơưv nhoz trâu saz Kaz têz hnuz tuôx thiaz trôngz Hoàng Liên Sơn, trơưk ntus đêx Đas thiaz puôz đriv tỉnh Lào Cai lok six đar, muôx trôngz siaz, nxaz zos chiav jôngr puôz têx thax tsav kaz đês.

Ntơưv jias uô hâux lưv, têx đại biểu tưz siz chos saz lax ntâu njiaz luk tsênhv chênhz li: Tas nro têx har jôngr; tuôr xav huôv tsar jôngr ntơưv tỉnh Sơn La truôx njês; têx har jôngr thiaz cxuô zav muôx nhoz hâur har jông têx zav nhoz thax tsav por hưv; UNESCO luz luôs hâux zov chênhr zos huôv tsar cxuô zav muôx txơưv cov truôx njês; têx cêr chai têz qơưk thiaz tsưr ziv chia por hưv têx zav muôx txơưv hâur têz qơưk thiaz oz chas têz; muôx liv cxơưz nhiax txiax, xã hội thiaz por hưv tâu têx zav muôx txơưv thâuv cxiv tsa mênhx yênhx thax tsav por hưv têx zav muôx txơưv; sir zôngv “bê” thax tsav por hưv têx zav muôx txơưv chia huôv tsar; zuôr tâu paz thiaz đros ntiax têz siz khov…

Jias uô hâux lưv tưz cxênhz yuôx tas nro têx har jôngr thiaz tuôr xav huôv tsar har jôngr cov truôx njês, ntơư zos têx tsưr ziv njuôk tsov khoa học truôx njês chia tỉnh fuô lês txuôk nzir muk, khov cấp muôx vax huôv tso chai trâu tỉnh Sơn La bax ntơưr tsa yênhx thax tsav por hưv têx zav muôx txơưv; chia huôv tsar cov truôx njês, fiv huv cxuô tsar zav ntux trâus têz xênhz, cxơưz pêx xênhv hair nênhs tsơưs thôngz tỉnh uô nênhs tâu jông.