Đhâu cxênhz cxuô huyện, thành phố, xav txos hnuz 24/1/2025, thôngz tỉnh nhiv no yuôr 2.877 ziv zuôr tsuv paz uô tsêr nhoz hâur shông 2025 (hâur ntơư, 216 ziv nênhs muôx côngz, 343 ziv tâu paz trơưk luôs hâux lưv têz qơưk, 2.318 ziv tâu paz trơưk Thông báo 523/TB-VPCP Hnuz 16/11/2024 ntơưv Văn phòng Chính phủ).

Bax nhiax paz uô tsêr trâu pêx xênhv txov nhêv thôngz tỉnh, txix nhiax "Viv pêx xênhv pluôs” tỉnh, Ủy ban MTTQ Việt Nam tỉnh tưz zok 30 tỷ nhiax trâu cxuô huyện, thành phố paz uô tsêr trâu pêx xênhv txov nhêv nhoz thôngz tỉnh. Tập đoàn công nghiệp - Viễn thông quân đội (Viettel) paz 25 tỷ nhiax. Tsêr Nhiax Kôngz lông thiaz Huôv tsar jêx jok - Chi nhánh tỉnh Sơn La paz 5 tỷ nhiax.

Xav txos hnuz 18/2/2025, tỉnh Sơn La tưz uô tiar 439 luz tsêr (353 ziv tâu paz uô tsêr yiaz; paz kho đuô 86 luz tsêr) zôngv tas 22 tỷ 450 triệu nhiax. Yuôr 2.438 luz tsêr (2.144 luz tsêr yiaz; kho đuô 294 luz tsêr) zuôr tsuv paz txos 137 tỷ 460 triệu nhiax. Ban chox car cxuô huyện, thành phố tưz chox car lês trơưk hâux lưv uô kaz Tsiaz pêz châus Naz shông 2025; sir jos lês tiar hâux lưv paz uô tsêr trâu pêx xênhv txov nhêv nhoz thôngz tỉnh uô ntêx hnuz 19/5/2025.