Shông 2025, côngz xưv por hưv tsav yêz muk lok nhaz xênhz hâur thax tsav tỉnh Sơn La tror tâu cxuô cấp, cxuô ngành fuô lês ntov nti, siz luôs jok, uô tâu hâux lưv muôx kaz hâu. Têx txuz yêz siz tsông grêk njuôk li shông uô ntêx, cêr muk lok iz phênhv tưs tâu cxưx nhiax uô, pêx xênhv to tâuz uô trơưk ntov chai. 

Fuô lês têx chỉ thị, nghị quyết ntơưv Trung ương thiaz ntơưv tỉnh lok sâuv por hưv tsav yêz muk lok nhaz xênhz, Ban por hưv tsav yêz muk lok nhaz xênhz tỉnh tưz saz lax trâu UBPX tỉnh tso tơưv ntâu ntâuz ntơưr chox car, cxiz njôngr; đros ntơư cxiv tsa tổ chức, hlôngr yiaz muôx kaz hâu Ban por hưv tsav yêz muk lok nhaz xênhz cxuô cấp hâux lưv, fiv huv tsưr ziv nov hâu thax tsav 2 cấp.

Côngz xưv fuô kria por hưv tsav yêz muk lok nhaz xênhz tâu fuô lês đros trâu ntâu hâux lưv. Têx cơ quan báo chí thax tsav thiaz Trung ương nhoz hâur tỉnh tưz xav tơưv yax 600 mông, jax sâu, jax đuôz; tsôngv nênhs muôx vax huôv kriz jias fuô kria tâus cêr, cias ntơưv qơư trâu yênhx puô cxênhz lênhx đros mnôngs. Ntâu cxiax cxênhv fuô kria chuyên đề tâu shuv xênhz, mê nhuôv zâuk lês muôx kaz hâu, paz tsav yêz nhaz xênhz muôx txux chi.

Hâur hâux lưv saiz car cêr muk lok, hur si tỉnh tưz cxiv kho yax 31 caik cêr lox thiaz yax 6 caik txox cêr muk lok hâur tỉnh, đros ntơư tsênhv cxênhz yuôx, thor cxiv kho 81 kror qơư nziv uô yưv têx txuz yêz siz tsông. Côngz xưv saiz car yêz thâux đra, tiz nênhs tsav yêz muk lok tror tâu fuô lês ntov nti. Hâur shông, tsôngv nênhs muôx vax huôv tưz puz, hlôngr yax 52.000 đaiv ntơưr tsav yêz, cxênhz yuôx zuôr luôs 50.000 luz yêz, paz por hưv jông cxuô luz yêz muk lok.

Tsôngv nênhs muôx vax huôv tưz tsik so cxênhz yuôx, saiz car, cxov thiaz bluô têx nênhs uô yưv têx txuz yêz siz tsông. Hur si tỉnh tưz cxov yax 21.000 lênhx cxâuv chai, xav hur si bluô yax 46,5 tỷ nhiax; phênhv ntâu cxâuv chai lok sâuv tưz hâuk chơưr, hâuk bia tsênhv tsav yêz, muk chênhr, thâux đra hnhar đhâu chai, tsik ntông câuk mov por hưv toz hâu. Hâur shông 2025, thax tsav tỉnh tưz pov yưv 141 txuz yêz siz tsông, uô trâu 110 lênhx tuôs, 107 lênhx trâus moz. Têx txuz yêz siz tsông, nênhs trâus moz tưz grêk njuôk li shông 2024.

Fuô luk hâur jias cơưv, đồng chí Nguyễn Minh Tiến cxiz cov cxuô cấp, cxuô ngành, thax tsav moz siaz chox car, kriz jias fuô lês muôx kaz hâu têx ntâuz ntơưr ntơưv Trung ương, ntơưv tỉnh lok sâuv fuô lês têx tsêr ziv por hưv tsav yêz muk lok nhaz xênhz. Tsik tsês fuô kria cêr chai zos li zuk vax huôv, hâux lưv txos cán bộ, công chức, viên chức, tiz nênhs uô nuv, hội viên, đoàn viên, chiến sĩ têx tsôngv vũ trang, shuv xênhz, sinh viên thiaz pêx xênhv. Moz siaz fuô lês têx hâux lưv, tsưr ziv por hưv tsav yêz muk lok thôngz plơưk, nhaz xênhz uô ntêx, hâur ntu thiaz tov kaz jias so Tsiaz Têz qơưk thiaz grâuv pax chaix ntux yiaz Nênhk shông 2026. Sir jos txo grêk tsơưs têx txuz yêz siz tsông truôx njês, nhav nxiak por hưv pêx xênhv tsav yêz muk lok nhaz xênhz.