Côngv cơưv muôx nênhs hlôngr njêx muôs Ủy ban Têz qơưk Cxiax cxênhv Tiz nênhs thiaz Cxuô zav ntơưv Việt Nam (MAB); Cục Por hưv tox trôngz thiaz cxuô zav har jôngr ; têx Trung tâm zos Liên hiệp Hội khoa học kỹ thuật Việt Nam; têx tổ chức Phi Chính phủ...

Thax tsav txov xav muôx lox đar li 190.000 ha, tâu xav zos “siz txuôk” trâu têx jôngr lox đar thax tsav Kâuv Têz hnuz pôngz. Đhâu saiz tsov, cxênhz têx txơưv zênhx ntơưv thax tsav taix khov muôx ntâu gri pov njôngr lok sâuv cxuô zav jôngr đros ntâu zav ntông, tsiax, nôngs; hâur ntơư, ntâu zav nhoz trâu hâur Bê ntơưr liaz IUCN, Ntơưr yuôz liaz Việt Nam thiaz têx nghị định por hưv nhiv no tso tơưv.

Thax tsav no muôx tox trôngz siaz, nxaz thiaz har toz txiar cêr, muôx ntâu trôngz siaz yax 2.000m. Ntơư no zos tsa tơưv têx qơư nto mông, li: “Huôz pư har Tà Xùa”, “Trôngz đruôz kâuv jax nkruôz”, har nhov Tà Xùa, poz ndâux Njêk Heo, trôngz Njov Nhux nhoz xã Tà Xùa; têx qơư đa đêx sor, đa siv đêx tsơưl tsas, kror tsuô, so txuôs jos ntơưv tsêr kruô homestay nhoz xã Ngọc Chiến... Đros trâu ntơư muôx cêr siz côngv txix faz txux chi cxuô zav nênhs pêx xênhv Poz Ziz, Hmôngz, La Ha đros têx cêr gruôv pax jông yax đros têx huv nuôv zax tsôngv nênhs, (trekking)muk tơưk ntơưv Ngọc Chiến, Tà Xùa tưz haik tsênhz kror gas siaz txơưr hlo ntơưv trôngx têz no…

Ntơưv jâus cơưv, têx chuyên gia, nênhs txơưx xav phênhz, tưz haik tsênhz cêr txơưv zênhx ntơưv Thax tsav  tsưx tsês cxuô zav hur thax tsav tỉnh Sơn La, li: Huôv tsar kôngz lông, nuôv zax tox trôngz thiaz cxuô cêr nox nhoz truôx njês; qơư sơưr ntơưv txux chi tiz nênhs hâur huôv tsar nuôv zax thiaz paz lês thax tsav nyiaz hur cxuô zav; qơư sơưr ntơưv cêr nox nhoz tsôngv nênhs thiaz huôv vav nhiax txiax hâur thax nzir thiaz thax hlôngr nzir; taix khov tsưr ziv, nhiax txiax thiaz faz fiv huv têx zav nhiax txiax - xã hội hâur cxiv tsa thax tsav tsưx tsês cxuô zav nyiaz hur…

Fuô luk ntơưv Jâus cơưv, đồng chí Nguyễn Thành Công cxiz cov têx sở, ngành, đơn vị cik txos tror saz lax trâu têx cơ quan saiz car nhoz têx bộ, ngành, têx chuyên gia, nênhs txơưx xav khoa học chia uô tiv khơưr txơưx fiv cxênhz cxix cxuô têx zav txơưv zênhx ntơưv thax tsav tsov xav, txix ntơư uô tiar têx báo cáo chuyên đề thiaz  tuôr tiv đros têx cêr xav thax tsav tsưx tsês cxuô zav hâur har jôngr ntơưv UNESCO. Txix li cxênhz têx cêr xav trơưk chai ntơưv  UNESCO, ndo njôngr saz lax trâu UBPX tỉnh piar khov têx cấp tâu vax huôv tso cêr cxiv tsa hồ sơ tơư zuôr trơưk tsưr ziv thiaz chai xav zos ntơưv ntiax têz.