Jias no muôx thơưx car cxuô sở, ngành cik txos. Tâu tso yưv ti vi txos têx phường: Mộc Châu, Mộc Sơn, Vân Sơn thiaz Thảo Nguyên.

Jias tưr Grâux njuôz Nuôv zax Hair nênhs Việt Nam jông gâux shông 2025 tâu kriz chia kruôk pox niav 54 hair nênhs Việt Nam kror jông gâux thiaz huôv tsar njiaz luk shir phaz trâu cxuô hair nênhs txux chi, cêr thôngx siaz. Jias tưr cux paz kria cxuô kror qơư pâuz puôr fênhx txux chi, cxơưz huôv tsar nuôv zax njuôz, nuôv zax jêx jok, chơư chôngz kruô hâur têz qơưk thiaz oz chas têz tuôx shuôk thiaz nuôv zax.

Đros trâu njiaz luk: “Việt Nam thiaz 54 hair nênhs; Việt Nam kror shir phaz yax mak txuôs jông 54 hair nênhs txux chi kror muôx gri”, Ban kriz tưr sir jos xair cov tâu têx “đại sứ txux chi - đại sứ nuôv zax” muôx cxuô zav - siaz jông - jông gâux, tâu ntâu lênhx pâuz txos.

Jâus tưr zênhx hlo thiaz têx hâux lưv zov chênhr hâur jias tưr zuôr tâu kriz ntơưv Thax tsav nuôv zax têz qơưk Mộc Châu, hmo xiaz 5/11/2025. Sở Txux chi, Thể thao thiaz Nuôv zax tưz saz lax trâu UBPX tỉnh tso tơưv ntâuz ntơưr chox car, zok têx sở, ngành bax txưv qơư, tsưx truôx cêr njias to, kho moz thiaz têx tsưr ziv paz trâu chor nênhs tưr, kruô tâu chơư, tiz nênhs tuôx saiz.

Ntơưv jias uô hâux lưv, têx đại biểu tưz saz lax têx tsưr ziv kriz, lar haik mak cxaz nzir têx hâux lưv nthuôr thax tsav txux chi, cưr cxiax jông, chia paz jias tưr tưz jông ho tsênhv muôx txiax njis đuô. Đros ntơư, tsênhv thôngz ndâux luk gruô hu têx cưk txux, nênhs nhiav haik cưr cxiax, sênhr chêr cxuô hair nênhs côngv nthuôr têx cxiax cxênhv txux chi thiaz têx hâux lưv ndis shuôk lov jêv, đrông ntưk, kria pâuz Sơn La têx txux chi jông.

Câuk luk jias uô hâux lưv, đồng chí Hà Trung Chiến cxiz cov Ban kriz tưr thiaz têx đơn vị cik txos fuô lês ntov nti tsưr ziv, siz chos lês ntov nti, nhav nxiak têx hâux lưv tâu kriz nhaz xênhz, kria pâuz tas hur si txux chi thax tsav, chia jias tưr yênhx cxênhx xưv muôx txiax njis zov chênhr, huôv tsar txux chi kror muôx gri, cxơưz nuôv zax Sơn La qơư sơưr.