Pak đêx tsêr mair tênhz điện Sơn La đar yax 43.400 caik xưv phaz, taz tov ntiv yax 9.26 tỷ m³ đêx. Cêr xênhz txơưv, muôx liv tưz paz thax tsav zôngx ziv yênhx kror qơư tu zus tsiax đêx ntơưv Tây Bắc thiaz hur si têz qơưk. Nhiv no hur si tỉnh muôx 7.000 luz guôx njêk, 20 tổ hợp tác tu zus tsiax đêx, xav hur si yênhx shông suô tâu yax 9.000 tấn njêk.

Đros trâu sir jos cxiv tsa tsưr ziv siz chos tu zus thiaz uô luôv huv tsiax đêx truôx njês, xav hur si ntâuk cxov tâu 7.000 tấn/ shông; paz 1.000 tus nênhs cxaz nzir hâux lưv uô, Công ty cổ phần Tu zus thiaz Tsưx jông tsiax đêx Việt Nam tưz thor cxiv tsa têx qơư pêx xênhv, thax tsav thiaz tsêr luôv siz chos uô luôv tsiax đêx. Hâur ntơư, tsêr luôv muôx phênhv shuôv paz nôngz, tsưr ziv tu zus, chuôz zênhx suô thiaz sâu zuôr tsiax đêx. Xav hur si 60 tiv nhiax.

Muôx luk jias no, đồng chí Nguyễn Thành Công, Phó Chủ tịch UBPX tỉnh phênhv ntâu jông siaz trâu tsưr muôz nhiax uô têx tsưr ziv; cxiz cov cxuô sở, ban, ngành sâu tsês hur si têx ndâux luk uô tiar tsưr ziv piar têx cơ quan muôx vax huôv cxênhz yuôx tso chai lês. Hâux lưv cxiv tsa tsưr ziv tsuv xav tâu kror ruôr hiav txos đêx ar huôz chuô cêr nyiaz hur, nhav nxiak fiv huv Têz qơưk, tsêr luôv thiaz pêx xênhv cêr muôx liv.