Lês trơưk ntâuz ntơưr chos luk txix li tỉnh Sơn La thiaz têx tỉnh Kâuv têz Lok Tsuôk, txix shông 1969 txos nhiv no, tỉnh Sơn La tưz paz têx tỉnh Kâuv têz qơưk Lok Tsuôk choz kria yênhx cxênhz lênhx cán bộ, shuv xênhz ntơưv têx yar cơưv thax tsav tỉnh. Đros ntơư, tso tơưv têx cêr chai paz shuv xênhz Lok Tsuôk hâur ntu cơưv ntơưr ntơưv têx Yar cơưv Đại học Tây Bắc, Yar cơưv Cao đẳng Sơn La thiaz Yar cơưv Cao đẳng Y tế Sơn La. 

Jias no, thơưx car têx yar cơưv: Đại học Tây Bắc, Cao đẳng Sơn La, Cao đẳng Y tế Sơn La tưz kria pâuz têx zav lês tâu jông hâur choz kria têx shuv xênhz Lok Tsuôk hâur ntu đhâu. Đros ntơư, chos luk lês jông hâux lưv choz kria ntơưr, cux li paz chia têx shuv xênhz Lok Tsuôk cơưv ntơưr, nox nhoz; kria luk Việt thiaz têx chuyên ngành chia têx shuv xênhz nthuôr huôv tâu jông zuk pênhr xưv thâuv cơưv tas lok lês côngz xưv ntơưv thax tsav.

Hlôngr njêx muôs Paz côngz xưv ntơưv Sở Choz kria thiaz Thể thao têx tỉnh Kâuv têz Lok Tsuôk xar cov ntu zuôr txos, têx yar cơưv hâur thax tsav tỉnh Sơn La zuôr tror paz trâu têx shuv xênhz Lok Tsuôk; paz trâu têx shuv xênhz Lok Tsuôk trâu siaz cơưv ntơưr, lês trơưk yar cơưv têx cêr chai, sir zôngv têx zav cơưv tâu chia lês hâux lưv, cxơưz paz cxiv tsa têz qơưk cov huôv tsar./.