Hâur jias no, Viện Kiểm sát pêx xênhv oz tỉnh tưz siz chos kria pâuz hâux lưv huôv tsar nhiax txiax - xã hội, por hưv thax tsav tỉnh nox nhoz njias to thiaz hâux lưv ntơưv Viện Kiểm sát pêx xênhv tỉnh. Đros ntơư, khpv cov tror moz siaz lês jông hâux lưv siz khov cov zênhv hnuz zênhv huôv tsar. Lês jông côngz xưv siz khov, siz chos kria tsưr ziv hâur phax tar nênhs cxâuv đhâu đriv têz.

Ntơưv jias siz thav, oz tỉnh tưz cir ntâuz ntơưr chos luk lês hâux lưv, thôngx iz trôngs luk lês hâux lưv tưz chos luk txix li Viện trưởng Viện Kiểm sát thênhv siaz oz luz têz qơưk Việt Nam - Lok Tsuôk; siz chos cơưv shâuv tsưr ziv lok sâuv côngz xưv phax tar nênhs cxâuv thiaz cxênhz, cxov têx nênhs uô luôv zênhz đhâu đriv têz. Moz siaz kria pâuz têx hâux lưv muôx yưv ntơưv thax tsav đriv têz chia zênhx max siz khov, đơưk zênhx max têx cêr phiv liv, chor nhov, chia cov lês tâu jông côngz xưv phax tar nênhs cxâuv đhâu đriv têz.

Lês jông têx hâux lưv siz paz lês nuv hâur tu plâuz dân sự thiaz hình sự txix li têz qơưk Việt Nam thiaz têz qơưk Lok Tsuôk; paz zôngx ziv thiaz siz khov tâu jông thâuv tâu khov txos cêr paz. Tror lês trơưk oz Đảng, oz têz qơưk têx cêr chai siz khov. Moz siaz saz lax trâu cấp ủy đảng, nov hâu thax tsav hâur tu têx hâux lưv cik txos cêr nox nhoz njias to đriv têz. Tsưx truôx hâux lưv siz shuôk thiaz siz chos cơưv shâuv tsưr ziv thâuv muôx six hơưv fiv huv. Oz tos jông siaz chia Viện Kiểm sát tỉnh Luông Pha Bang, têz qơưk Lok Tsuôk chox car jias siz thav hâur shông 2027.