Shông 2024, Ban Chox car huôv tsar tiz nênhs zuôr BHXH, BHYT tỉnh tưz saz lax trâu Tỉnh ủy, UBPX tỉnh uô tiar yax têx tsưr ziv BHXH, BHYT. Saz lax tso tơưv ntơưr kria pâuz ntơưv Chủ tịch UBPX tỉnh lok sâuv paz zuôr thẻ BHYT thiaz gruô hu têx paz pơưs, tus khênhx paz zuôr chia krưr 8.589 thẻ BHYT, 45 đaiv ntơưr BHXH trâu pêx xênhv muôx luz nênhx txov nhêv thiaz mas ntux nas hiav, xav hur si tsiv nhos yax 2,2 tiv nhiax.

Tsa yiaz 108 đơn vị, muôx 386 lênhx zuôr BHXH zuôv kri; 8.206 lênhx zuôr BHXH tưx zênhv zuôr. Cxaz hur si chor nênhs zuôr BHXH muôx txos 171.582 lênhx, tâu 22,5% tiz nênhs uô nuv, tsar tsưr ziv 3.287 lênhx; 1.273.539 lênhx zuôr BHYT, tâu 100,4% tsưr ziv zok, têx nênhs zuôr bảo hiểm tâu 97% toz hâu nênhs thiaz 114.550 lênhx zuôr tsik muôx hâux lưv uô, tâu 15,0% tsôngv tiz nênhs uô nuv.

Sâu tâu yax 3.158 tiv nhiax BHXH, BHYT, BH tsik muôx hâux lưv uô, tâu 119,2% tsưr ziv BHXH Việt Nam zok. Thêv yax 2.624 tiv nhiax BHXH trâu 23.000 lênhx, tâu 115,1% njuôk li chaix no tsaiz no. Yênhx hli, thêv yax 190 tiv nhiax so uô côngz xưv têz qơưk thiaz paz nhiax BHXH trâu 32.900 lênhx; cxênhz yuôx thêv yax 1.000 tiv nhiax njuôk kho moz BHYT trâu 1.175.727 tus nênhs moz…

Jias cơưv tưz fuô Quyết định số 105/QĐ-UBPX hnuz 14/1/2025 ntơưv Chủ tịch UBPX tỉnh Sơn La lok sâuv zok tsưr ziv huôv tsar tiz nênhs zuôr bảo hiểm xã hội, bảo hiểm y tế hâur thax tsav tỉnh shông 2025. Sir jos tiv tsôngv nênhs zuôr BHXH txênhz 23,4% njuôk li tsôngv tiz nênhs uô nuv; tiv tsôngv tiz nênhs zuôr tas BHYT tâu 96,2% toz hâu nênhs.

Ntơưv jias cơưv, têx đại biểu tưz haik kria têx txov nhêv khuôv đais, đros ntơư, tso tơưv têx tsưr ziv huôv tsar tiz nênhs zuôr BHXH, BHYT, li chox car têx ban, ngành, đoàn thể huyện muk trâu jêx jok zaz zâuv gruô hu pêx xênhv zuôr BHXH, BHYT; fuô lês têx tsưr ziv huôv tsar, gruô hu tiz nênhs zuôr thiaz grêk tsơưs tiz nênhs thêv nhiax BHXH, BHYT kênhz; muôz tsưr ziv zuôr BHXH, BHYT lok trâu hâux lưv cxênhz yuôx ziv nênhs tâu công nhav xair tsov muôx txux chi yênhx shông trâu têx tổ, jok; tsik so gruô hu paz pơưs, tus khênhx siaz jông puz ntơưr BHXH, thẻ BHYT trâu nênhs muôx luz nênhx txov nhêv...

Ndax jias no, Chủ tịch têz qơưk tưz puz Côngz mênhx Txơưx uô hâux lưv hov Iz trâu BHXH tỉnh; puz Côngz mênhx Txơưx uô hâux lưv hov Pêz trâu 2 tus khênhx. Chủ tịch UBPX tỉnh puz ntơưr kruôk trâu 3 paz pơưs, 3 tus khênhx.