Jias no muôx đồng chí Nguyễn Minh Tiến, Phó Chủ tịch UBPX tỉnh; thơưx car cxuô sở, ban, ngành thiaz têx đơn vị cik txos. Jâus cơưv tâu tso yưv ti vi txos 13 kror qơư hâur UBPX cxuô xã đriv têz, kror qơư fuô lês dự án.

Fuô lês trơưk Câuk luk số 81-KL/TW hnuz 18/7/2025 ntơưv Bộ Chính trị lok sâuv muôz nhiax cxiv puôz yar cơưv trâu têx xã đriv têz, tỉnh Sơn La taz tov moz siaz gruô hu ntâu zav pênhr fuô lês hâux lưv cxiv puôz yar cơưv phổ thông nội trú liên cấp Tiểu học-Trung học cơ sở trâu 13 xã đriv têz. Txos hnuz xiaz 6/11, muôx 13/13 xã đriv têz uô tiar côngz xưv tuôr xav, njuôk tsov đêx ar, cxênhz mênhx hâur pâuk ar; 12/13 tsêr cơưv jêx jok tưz cxiv tsa hâux lưv thêv nhiax ar shôngz ntông; 7/13 tsêr cơưv jêx jok tâu puz ntơưr côngz nhav por hưv cêr nyiaz hur. Txos nhiv no, hur si tỉnh tưz piz cxiv puôz 12 luz tsêr cơưv jêx jok, yuôr 1 luz tsêr cơưv jêx jok xã Lóng Sập tsov xav piz uô trâu hnuz xiaz 9/11.

Fuô luk hâur jias cơưv, đồng chí Chủ tịch UBPX tỉnh cxiz cov cxuô sở, ngành, UBPX têx xã, cxuô tsưr muôz nhiax uô tror zênhx max lês tiar côngz xưv thêv nhiax ar, shôngz ntông, yaik qơư nhoz yiaz zos chai. Tsov xav, saz lax fuô lês dự án trơưk tsưr ziv cê xav, cê uô đros trâu txo tsơưs ntâuz ntơưr taz sik tsuv nhav nxiak fuô lês zos chai. Têx tsưr muôz nhiax uô đros têx ngành cik txos fuô lês hâux lưv cxênhz đuô tsưr ziv xav tơưv cơ sở, xav hur si chor nhiax paz uô têx dự án, nhav nxiak fiv huv tsov xav cxưx nhiax uô, têx hâux lưv zov chênhr paz trâu yar cơưv; xav tơưv tsưr ziv thor cov mênhx pêv hâux lưv lux xav thiaz cxaz nzir nhiax uô dự án fiv huv têx xã hâux lưv.

Đồng chí Chủ tịch UBPX tỉnh cxiz cov cxiv tsa Ban Chỉ huy kror qơư uô tsêr chia cxênhz yuôx, kria pâuz têx hâux lưv uô tâu thiaz tsik tâu zênhx max đơưk tâu sai têx cêr txov nhêv, khuôv đais muôx nzir hâur ntu cxiv puôz yar cơưv. Têx sở, ngành, đơn vị cik txos thiaz UBPX cxuô xã moz siaz, sir jos uô tiar phênhv shuôv, têx hâux lưv muôx txiax njis zov chênhr no, paz hlôngr yiaz hâux lưv choz kria ntơưr, shuv xênhz đriv têz muôx qơư nox nhoz tso siaz cơưv ntơưr; đros ntơư cxơưz tsưx truôx, cxiv tsa thax tsav đriv têz huôv tsar truôx njês.