Hnuz grâuv pax xa hluôk nênhs muk uô hâux lưv por hưv têz qơưk ntơưv thị xã Mộc Châu tâu kriz zos chai. Jias no muôx têx đồng chí: Thượng tướng Vũ Hải Sản, Ủy viên Trung ương Đảng, Ủy viên Quân ủy Trung ương, Thứ trưởng Bộ Quốc phòng; Trung tướng Phạm Đức Duyên, Bí thư Đảng ủy, Chính ủy Quân khu 2; Hoàng Quốc Khánh, Bí thư Tỉnh ủy Sơn La; thơưx car iz cxia sở, ban, ngành ntơưv tỉnh, thị xã Mộc Châu thiaz hur si pêx xênhv hâur thax tsav.

Shông no, thị xã Mộc Châu muôx 162 tus hluôk tâu xair muk uô hâux lưv por hưv têz qơưk, hâur ntơư muôx 120 tus hluôk uô tuz lênhv, 42 tus hluôk uô Công an pêx xênhv. Côngz xưv xair hluôk nênhs muk uô hâux lưv por hưv têz qơưk tâu fuô lês ntov nti, zos đraiv chai, têx hluôk nênhs txâuk chai lok sâuv tsiv txiax chính trị, cơưv tas ntơưr, muôx đas jos, txâuk chai tâu xair muk uô hâux lưv por hưv Têz qơưk.

Ntơưv jias zok nhav hluôk nênhs muk uô hâux lưv por hưv têz qơưk, têx đồng chí thơưx car tưz njênhs njôngr têx hluôk nênhs zuôr cxơưz tas thax tsav cênhz cưv uô têz uô qơư, tsik tsês cơưv shâuv, uô nênhx tsiv txiax, fuô lês ntov nti cêr chai tuz lênhv thiaz cêr chai hâur đơn vị, uô tiar hâux lưv tâu zok, lar tsiv nhos tâu kror njênhs njôngr ntơưv Đảng bộ, nov hâu, pêx xênhv thiaz ziv nênhs.

Côngv cêr shir phaz hâur Hnuz grâuv pax xa hluôk nênhs muk uô hâux lưv por hưv têz qơưk, tas cis hnuz 15/2, ntơưv Yar tiax lox Tây Bắc, thành phố Sơn La tưz kriz Jias zok nhav hluôk nênhs muk uô hâux lưv por hưv têz qơưk shông 2025. Hnuz grâuv pax xa hluôk nênhs muk uô hâux lưv por hưv têz qơưk ntơưv Thành phố tâu Quân Khu 2 xair xuz lês uô ntêx chia sơưr đơưk cơưv shâuv.

Jias no muôx têx đồng chí: Lò Minh Hùng, Phó Bí thư Thường trực Tỉnh ủy; Đại tá Khổng Đình Tám, Ủy viên Ban Thường vụ Đảng ủy, Chủ nhiệm Chính trị Quân khu 2; Hà Trung Chiến, Ủy viên Ban Thường vụ Tỉnh ủy, Bí thư Thành ủy, Chủ tịch HĐPX Thành phố; nênhs hlôngr njêx muôs Tổng cục chính trị Tuz lênhv pêx xênhv Việt Nam; thơưx car Bộ Chỉ huy Quân sự tỉnh, Thành phố, têx đơn vị nhav hluôk nênhs thiaz hur si pêx xênhv hâur thax tsav.

Shông no, Thành phố muôx 132 tus hluôk muk uô hâux lưv por hưv têz qơưk, hâur ntơư muôx 95 tus hluôk uô tuz lênhv, 37 tus hluôk uô Công an pêx xênhv.  Côngz xưv xair hluôk nênhs muk uô hâux lưv por hưv têz qơưk tâu fuô lês ntov nti, zos chai; 100% tus hluôk muôx đas jos, cơưv tas THCS tror sâuv; hâur ntơư, 21 tus hluôk cơưv tas trung cấp, cao đẳng, đại học; 110 tus hluôk cơưv tas cêr chai đảng; 99% tus zos đoàn viên, 1 tus zos đảng viên. Muôx 59 tus sâu ntơưr thor tưx zênhv muk uô hâux lưv por hưv têz qơưk.

 Ntuôk têx hluôk nênhs, cấp ủy, nov hâu, đoàn thể, xã, phường Thành phố tưz krưr huv, xav hur si tsiv nhos yax 760 triệu nhiax, ntuôk hluôk nênhs tso siaz, shir phaz muk uô hâux lưv por hưv têz qơưk; uô tiar hâux lưv tâu zok, cxiv tsa thiaz por hưv Têz qơưk.

Njia pov tas nto Jias zok nhav hluôk nênhs muk uô hâux lưv por hưv têz qơưk shông 2025 ntơưv thành phố Sơn La. Đồng chí Phó Bí thư Thường trực Tỉnh ủy ntâuk đruôk Grâuv pax zok nhav hluôk nênhs muk uô hâux lưv por hưv têz qơưk.

Jias Zok nhav hluôk nênhs muk uô hâux lưv por hưv têz qơưk shông 2025 ntơưv huyện Mai Sơn tâu kriz zos chai, yar cuz jông. Jâus no muôx đồng chí Nguyễn Thái Hưng, Ủy viên Ban Thường vụ Tỉnh ủy, Chủ tịch HĐPX tỉnh; thơưx car Bộ Chỉ huy quân sự tỉnh; thơưx car iz cxia sở, ngành ntơưv tỉnh, huyện Mai Sơn thiaz hur si pêx xênhv.

Shông no, huyện Mai Sơn muôx yax 200 tus hluôk tâu xair muk uô hâux lưv por hưv têz qơưk, hâur ntơư, 160 tus uô tuz lênhv, yax 40 tus uô Công an pêx xênhv. Côngz xưv xair hluôk nênhs muk uô hâux lưv por hưv têz qơưk tâu uô trơưk ntov nti, zos chai, tsiv txiax chính trị, cơưv tas ntơưr,  muôx đas jos. Muôx 62 tus cơưv tas cêr chai Đảng, 64 tus sâu ntơưr thor tưx zênhv muk uô hâux lưv por hưv têz qơưk, lok six shir phaz, njênhs njôngr, sir jos uô tiar hâux lưv por hưv Têz qơưk.

Ntơưv Jias zok nhav hluôk nênhs, têx đồng chí thơưx car tỉnh, huyện tưz krưr pax, phôngv côngz thiaz ntuôk têx hluôk nênhs muk uô hâux lưv cxiv tsa thiaz por hưv Têz qơưk, moz siaz cơưv shâuv, truôx siaz chính trị, fuô lês ntov nti cêr chai tuz lênhv, cêr chai ntơưv đơn vị, txuôs jông thiaz huôv tsar tsiv txiax Tuz lênhv Zơưv Côngz Hôx, lês tiar hâux lưv tâu zok.

Hâux lưv zok nhav hluôk nênhs ntơưv huyện Phù Yên tâu kriz zos chai ntơưv  Puôr fênhx txiax njis tir ntâuk Phaz Cir- Thax tsav har jôngr jok Nhọt, xã Gia Phù. Jias no muôx đồng chí Xuân Xênhv Tsaz, Ủy viên Ban Thường vụ Tỉnh uỷ, Phó Chủ tịch Thường trực UBPX tỉnh; thơưx car Bộ CHQS tỉnh, iz cxia sở, ngành ntơưv tỉnh, huyện Phù Yên đros hur si pêx xênhv.

Shông no, huyện Phù Yên muôx 155 tus hluôk muk uô hâux lưv por hưv têz qơưk, hâur ntơư, 110 tus uô tuz lênhv, 45 tus uô công an pêx xênhv; muôx 43 tus tưz tâu cơưv cêr chai Đảng. Ntơưv jias jok, nhav hluôk nênhs, têx đồng chí thơưx car tưz njênhs njôngr trâu têx hluôk nênhs tror huôv tsar cênhz cưv uô têz uô qơư,  zênhx max pâuz cxuô cêr chai tuz lênhv, tsik tsês cơưv shâuv, uô nênhx tsiv txiax, fuô lês ntov nti cêr chai tuz lênhv thiaz cêr chai ntơưv đơn vị, uô tiar jông hâux lưv tâu zok, lar tsiv nhos tâu kror njênhs njôngr ntơưv Đảng bộ, nov hâu, pêx xênhv thiaz ziv nênhs.

Ntơưv huyện tox siaz Bắc Yên, txuv thiaz ntuôk têx hluôk nênhs muk uô hâux lưv por hưv têz qơưk muôx đồng chí Lường Thị Vân Anh, Ủy viên Ban Thường vụ Tỉnh ủy, Chủ nhiệm Ủy ban Cxênhz yuôx Tỉnh ủy; thơưx car iz cxia sở, ngành ntơưv tỉnh.

Shông no, huyện Bắc Yên muôx 121 tus hluôk muk uô hâux lưv por hưv têz qơưk, muôx 85 tus uô tuz lênhv thiaz 36 tus uô Công an pêx xênhv. Muôx 16 tus sâu ntơưr thor tưx zênhv muk uô hâux lưv por hưv têz qơưk.

Jias zok nhav hluôk nênhs muk uô hâux lưv por hưv têz qơưk tâu kriz zos chai. Têx hluôk nênhs tus tưs cux lok six shir phaz, sir jos uô tiar jông hâux lưv tâu zok.

Huyện Yên Châu tưz kriz Jias zok nhav hluôk nênhs muk uô hâux lưv por hưv têz qơưk shông 2025 zos đraiv chai. Tuôx txuv muôx đồng chí Đinh Thị Bích Thảo, Ủy viên Ban Thường vụ Tỉnh ủy, Thơưx ban Tuyên giáo Tỉnh ủy; nênhs hlôngr njêx muôs iz cxia sở, ngành ntơưv tỉnh, huyện Yên Châu, đros hur si pêx xênhv.

Hluôk nênhs muk uô hâux lưv por hưv têz qơưk shông no, huyện Yên Châu tưz xair tâu 134 tus; lês tiar 100% tsưr ziv zok. Hâur ntơư, 95 tus uô tuz lênhv, 39 tus uô Công an pêx xênhv. Têx hluôk nênhs zos đoàn viên, muôx txix 18-26 shông, zos têx hair nênhs: Choz Tsiz, Poz Ziz, Hmôngz thiaz Maz;  2 tus cơưv tas đại học; 100% tus tưz cơưv tas cêr chai Đảng.

Ntơưv Jias zok nhav hluôk nênhs, têx đồng chí thơưx car tỉnh, huyện Yên Châu tưz krưr pax, ntuôk hluôk nênhs muk uô hâux lưv por hưv têz qơưk, tror cxơưz cênhz cưv Tuz lênhv Zơưv Côngz Hôx, sir jos uô tiar hâux lưv tâu zok, cxiv tsa thiaz por hưv têz qơưk.

Đros hur si tỉnh, huyện Quỳnh Nhai cux tưz kriz Jias zok nhav hluôk nênhs muk uô hâux lưv por hưv têz qơưk shông 2025. Txuv thiaz ntuôk têx hluôk nênhs muk uô hâux lưv por hưv têz qơưk muôx đồng chí Bùi Minh Tân, Ủy viên Ban Thường vụ Tỉnh ủy, Thơưx Ban Nội chính Tỉnh ủy; thơưx car iz cxia sở, ngành ntơưv tỉnh, huyện Quỳnh Nhai, đros hur si pêx xênhv.

Hâur jias no, Quỳnh Nhai muôx 138 tus hluôk muk uô hâux lưv por hưv têz qơưk, hâur ntơư muôx 100 tus uô tuz lênhv thiaz 38 tus uô Công an pêx xênhv. Muôx 3 tus sâu ntơưr thor tưx zênhv muk uô hâux lưv por hưv têz qơưk. Têx hluôk nênhs puôr lênhx shir phaz, sir jos lês tiar jông hâux lưv tâu zok.

Ntơưv huyện Sốp Cộp,  txuv Jias zok nhav tuz hluôk muk uô hâux lưv por hưv têz qơưk shông 2025 muôx đồng chí Lưu Minh Quân, Ủy viên Ban Thường vụ Tỉnh ủy, Thơưx ban Dân vận Tỉnh ủy; nênhs hlôngr njêx muôs Hội đồng nghĩa vụ quân sự tỉnh, Bộ CHQS tỉnh, huyện Sốp Cộp thiaz hur si pêx xênhv, shuv xênhz hâur thax tsav huyện. 

Hâur jias no, huyện Sốp Cộp tưz uô tiar 100% tsưr ziv zok xair tâu 117 tus hluôk nhoz hâur 8 xã, hâur ntơư muôx 80 tus uô Tuz lênhv thiaz 37 tus uô Công an pêx xênhv, tâu zok trâu têx đơn vị: Trung đoàn 754 (Bộ CHQS tỉnh), Bộ Chỉ huy Tuz lênhv Đriv têz tỉnh thiaz Công an tỉnh.

Huyện Sốp Cộp tưz fuô lês têx cxênhx cxênhv, uô jông bax xair tsov, hu hluôk nênhs muk uô hâux lưv por hưv têz qơưk, li ntơư tưz muôx txâuk nênhs, tsiv txiax chính trị, cơưv tas ntơưr, muôx đas jos, txâuk chai muk uô hâux lưv por hưv têz qơưk. Muôx txix 19 txos 27 shông, cơưv tas lớp 6 tror sâuv; hâur ntơư, muôx 1 tus cơưv tas đại học.

Trung tâm huyện Mường La đai ntâu qix, cxok pax shir phaz kriz Jias zok nhav hluôk nênhs shông 2025. Tuôx txuv Jias Zok nhav hluôk nênhs muôx đồng chí Nguyễn Đức Thành, Ủy viên Ban Thường vụ Tỉnh ủy, Thơưx ban Tổ chức Tỉnh ủy; nênhs hlôngr njêx muôs Hội đồng nghĩa vụ quân sự tỉnh; Bộ CHQS tỉnh.

Shông no, huyện Mường La muôx 134 tus hluôk nênhs muk uô hâux lưv por hưv têz qơưk, hâur ntơư muôx 90 tus uô tuz lênhv, 44 tus uô Công an pêx xênhv. Hâux lưv xair hluôk nênhs siz luôs jok thiaz tâu ntâu đuô shông uô ntêx; hluôk nênhs muôx jos hov 1 thiaz hov 2 tâu 86,5%; cơưs tas THPT tâu 59%; 100% hluôk nênhs zos đoàn viên; 25 tus sâu ntơưr thor tưx zênhv muk uô hâux lưv por hưv têz qơưk.

Ntơưv Jias zok nhav hluôk nênhs, têx đồng chí thơưx car tỉnh, huyện tưz krưr pax phôngv côngz, njênhs njôngr, ntuôk têx hluôk nênhs muk uô hâux lưv por hưv têz qơưk. Xar cov têx hluôk nênhs cxơưz thax tsav cênhz cưv, cêr hluôk, tsik tsês cơưv shâuv, fuô lês ntov nti cêr chai tuz lênhv, uô tiar jông hâux lưv tâu zok, lar tsiv nhos tâu kror njênhs njôngr ntơưv Đảng bộ, nov hâu, pêx xênhv thiaz ziv nênhs.

Đros kriz Hnuz grâuv pax xa tuz hluôk muk uô hâux lưv por hưv têz qơưk, ntơưv Yar tiax lox 3/2, huyện Sông Mã tưz kriz Jias zok nhav hluôk nênhs muk uô hâux lưv por hưv têz qơưk shông 2025. Txuv jias zok nhav hluôk nênhs muôx đồng chí Lê Hồng Minh, Phó Chủ tịch UBPX tỉnh; nênhs hlôngr njêx muôs Bộ CHQS tỉnh, Hội đồng nghĩa vụ quân sự tỉnh, têx đơn vị nhav hluôk nênhs đros hur si cán bộ, pêx xênhv hâur thax tsav.

Shông no, huyện Sông Mã tâu zok tsưr ziv xair cov tâu 169 tus hluôk muk uô hâux lưv por hưv têz qơưk. Hâur ntơư, 120 tus uô tuz lênhx thiaz 49 tus uô công an. Xair hluôk nênhs siz luôs jok thiaz tâu ntâu đuô tsaiz no. Cấp ủy, nov hâu thiaz  têx tổ chức đoàn thể ntơưv huyện, xã, thị trấn tưz kriz hmo nthuôr haik cưr cxiax, krưr huv, tsiv nhos yax 500 triệu nhiax, ntuôk hluôk nênhs tso siaz, shir phaz muk uô hâux lưv por hưv têz qơưk.

Côngv iz cxix kriz hnuz grâuv pax xa hluôk nênhs muk uô hâux lưv por hưv têz qơưk, huyện Thuận Châu tưz kriz Jias zok nhav hluôk nênhs muk uô hâux lưv por hưv têz qơưk shông 2025. Jias no muôx đồng chí Nguyễn Thành Công, Phó Chủ tịch UBPX tỉnh;  nênhs  hlôngr njêx muôs iz cxia sở, ngành ntơưv tỉnh, huyện Thuận Châu, đros hur si pêx xênhv thiaz têx shuv xênhz.

Jias no, huyện Thuận Châu muôx 211 tus hluôk muk uô hâux lưv por hưv têz qơưk, uô tiar 100% tsưr ziv zok. Hâur ntơư, 155 tus uô Tuz lênhv, 56 tus uô Công an pêx xênhv; 100% tus zos đoàn viên, muôx txix 18-24 shông, zos têx hair nênhs: Choz Tsiz, Poz Ziz, Hmôngz, Kháng, La Ha thiaz Poz Thơưx. Đơn vị nhav hluôk nênhs zos: Sư đoàn 355 (Quân khu 2); Trung đoàn 754 (Bộ Chỉ huy Quân sự tỉnh) thiaz Công an tỉnh.

Têx hluôk nênhs muk uô hâux lưv por hưv têz qơưk puôr lênhx sir jos, cxơưz thax tsav cênhz cưv uô têz uô qơư, uô tiar jông hâux lưv tâu zok, lar tsiv nhos tâu kror njênhs njôngr ntơưv Đảng bộ thiaz pêx xênhv cxuô hair nênhs hâur thax tsav huyện.

Ntơưv huyện nhoz ndax ndâux cêr Vân Hồ, txơưv ntux no pok huôz nia, taz sik têx hluôk nênhs lok six shir phaz muk uô hâux lưv por hưv têz qơưk. Jias zok nhav hluôk nênhs tâu uô zênhx max, zos chai, tsik tuôr xuôv nhiax txiax. Têx hluôk nênhs puôr lênhx sir jos uô tiar jông hâux lưv tâu zok, yênhx tus nênhs jông, paz cxiv tsa thiaz por hưv Têz qơưk.

Shông no, huyện Vân Hồ muôx 130 tus hluôk muk uô hâux lưv por hưv têz qơưk, hâur ntơư, 90 tus uô tuz lênhv, 40 tus uô Công an pêx xênhv. Côngz xưv xair hluôk nênhs tâu fuô lês zos ntov chai, tsiv txiax chính trị, cơưv tas ntơưr, muôx đas jos, txâuk chai muk uô hâux lưv por hưv têz qơưk. Muôx 41 tus sâu ntơưr thor tưx zênhv muk uô hâux lưv por hưv têz qơưk, tsik tsês sir jos, uô tiar hâux lưv Têz qơưk zok.

Đros trâu uô jông bax cxuô zav hâux lưv, Jias zok, nhav hluôk nênhs ntơưv têx thax tsav hâur tỉnh Sơn La tưz tâu kriz ntov chai, lar tsiv nhos zos hnuz grâuv pax xa hluôk nênhs muk uô hâux lưv por hưv têz qơưk, fuô thiaz choz kria jông. Bôngs cêr shir phaz, ntuôk hluôk nênhs moz siaz muk uô hâux lưv por hưv têz qơưk, paz cxiv tsav Tuz lênhv pêx xênhv Việt Nam cách mạng, zov chênhr, txơưx njê, iz phênhv tưs hlôngr yiaz thiaz por hưv truôx njês Têz qơưk Việt Nam xã hội chủ nghĩa.