Hnuz 13/3/1990, Sở Điện lực Sơn La tâu tsa tơưv txix li muôz uô cê têx qơư tso điện hâur tỉnh, zos qir thơưx ntơưv Công ty Điện lực Sơn La nhiv no. 

Đhâu 35 shông, Công ty Điện lực Sơn La hla đhâu cxuô cêr txov nhêv, tsik tsês huôv tsar, tso điện nhaz xênhz, truôx njês, paz max hâux lưv chính trị, huôv tsar nhiax txiax- xã hội ntơưv tỉnh thiaz cêr khov vav uô tơưv điện, uô luôv, điện uô nox hâuk ntơưv pêx xênhv. Shông 2024, tiv tsôngv ziv muôx điện hur si tỉnh tâu 99,25%. Shông 2024, têx kruô tsar ndêx 358.171 tus nênhs; điện uô nox hâuk 852,52 triệu kWh; sâu tâu nhiax muôs điện 1.787,47 tiv đaiv, tiv tsôngv xuôv điện tsơưs yuôr 4,25%. Yênhx shông, công ty đros têx paz pơưs đoàn thể fuô lês ntâu cxiax cxênhv paz max trâu tsôngv nênhs, xav hur si nhiax jê 1 tiv đaiv.

35 shông đhâu, Công ty Điện lực Sơn La hmôngr jông tâu Đảng, Têz qơư, têx bộ, ngành puz ntâu côngz mông jông, li: Côngz mênhx Uô hâux lưv hov Iz, Oz, Pêz đros ntâu ntơưr kruôk; ntâu shông tâu Tổng công ty Điện lực miền Bắc, Tập đoàn Điện lực Việt Nam puz qix siz tưr lok sâuv uô tiar yax plơưk hur cxuô zav côngz xưv…

Ndax trâu jâus no, Công ty Điện lực Sơn La tưz kruôk, ndo txos 34 tus cán bộ, công nhân nto côngz muôx ntâu cêr paz trâu xưv cxênhx cxiv tsa thiaz huôv tsar công ty.