Taz thiaz đros paz côngz xưv uô hâux, tỉnh pêz muôx đồng chí Đặng Ngọc Hậu, Phó Chủ tịch UBPX tỉnh, thơưx car iz cxia sở, ngành ntơưv tỉnh.

Ntơưv jâus uô hâux lưv, tỉnh pêz tưz fuô trâu paz tuôx uô côngz xưv tỉnh Quảng Ngãi pâuz têx hâux lưv lês cêr huôv tsar ntông nox txir, côngz xưv jov thiaz muos têx kôngz txir thax tsav tỉnh; cêr xav ntơưv Tỉnh ủy, UBPX tỉnh hâur hâux lưv tso tơưv têx cêr chai, nhiax paz huôv tsar ntông nox txir thax tsav tỉnh. Xav tas shông 2024, têx têz chos ntông nox txir hur si tỉnh tâu 82.796 ha, têx txir đê tâu 373.589 tấn. Ntâu zav txir tưz muôs trâu luôz têz qơư hâur ntiax têz, shông 2024, gri hax huv kôngz txir tỉnh Sơn La muôs trâu luôs têz qơư xav tâu  190 triệu nhiax đô la (USD).

Fuô luk ntơưv jâus uô hâux lưv, đồng chí Trần Phước Hiền, Phó Chủ tịch UBPX tỉnh Quảng Ngãi  muôx lus uô tsâus txos têx cêr siz kria ntơưv tỉnh Sơn La hâur cêr huôv tsar ntông nox txir. Têx tsưr ziv tưz tâu mnôngs sâu nhav ntơưv tỉnh Sơn La  zuôr zos tiv khơưr chia Quảng Ngãi sir zôngv trâu cêr tsênhz mênhx, huôv tsar têx qơư chos ntông nox txir fiv huv têx zav ntơưv zuk thax tsav.

Đồng chí Đặng Ngọc Hậu, zok trâu Sở Kôngz lông thiaz Môi trường tỉnh tror kria mông mênhx pêv lok sâuv têx cêr chai, nhiax paz huôv tsar kôngz txir, paz huôv tsar hợp tác xã, gruô hu cxiv tsa hâur faz uô tsês, zuôr muôs kôngz txir; kria têx qơư uô kôngz txir nto mông ntơưv têx thax tsav chia paz côngz xưv  tỉnh Quảng Ngãi ndis saiz, cơưv shâuv tsưr ziv.