Ntơưv tỉnh Sơn La, côngv jias piz uô Yar cơưv Phổ thông nội trú liên cấp TH - THCS xã Lóng Sập muôx têx đồng chí: Đào Ngọc Dung, Ủy viên Ban Chấp hành Trung ương Đảng, Bộ Trưởng Bộ Dân tộc thiaz Tôn giáo; Hoàng Văn Nghiệm, Bí thư Tỉnh ủy, Thơưx paz đại biểu Quốc hội tỉnh; têx đồng chí Ủy viên Ban Thường vụ Tỉnh ủy; têx đồng chí Phó Chủ tịch UBPX tỉnh; nov chox car iz cxia sở, ban, ngành ntơưv tỉnh; đros trâu tsôngv pêx xênhv, cưk kria thiaz shâuv xênhz nhoz thax tsav xã Lóng Sập.

Jias piz uô Yar cơưv Báo thiaz xor tôngx chuô, xa đuôz Sơn La tưz tso trâu sơưr saiz cias đhâu kênh STV, Báo Sơn La điện tử thiaz nền tảng số ntơưv Báo thiaz xor tôngx chuô, xa đuôz Sơn La.

Yar cơưv Phổ thông nội trú liên cấp Tiểu học - Trung học cơ sở xã Lóng Sập zos 1 hâur 13 luz yar cơưv tâu cxiv tsa uô ntơưv tỉnh Sơn La trơưk Câuk luk 81-TB/TW ntơưv Bộ Chính trị tso chai cxưx nhiax uô yar cơưv trâu têx xã đriv têz; zos iz hâur 100 luz yar cơưv tâu uô yiaz thiaz hâur thôngz têz qơưk chia uô trâu lưv kror cơưv shâuv.

Ntơư zos cxênhx xưv muôx txiax njis lok sâuv chính trị, zos Đảng, Têz qơưk paz tsôngv pêx xênhv, chiến sĩ, lar haik yax mak têx shâuv xênhz nhoz thax tsav đriv Têz qơưk. Tsik tas li, zuôr tsưx hưv tâu hâux lưv choz kria siz luôs thax tsav tox siaz, qơư kik, cov sơưr đơưk tâu cơưv shâuv thiaz tsưx hưv truôx cêr nhaz xênhz thax stav đriv têz qơưk.

Ntơưv jias piz uô yar cơưv, nov chox car Công an tỉnh - đơn vị tsưr cxưx nhiax uô Dự án tưz piar kria têx hâux lưv zuôr tâu uô. Yar cơưv Phổ thông nội trú liên cấp Tiểu học - Trung học cơ sở xã Lóng Sập tâu uô ntơưv jok Phát, xã Lóng Sập, xav tas nro đar yax 5 ha, muôx 30 qar tsêr cơưv, txâuk trâu yax 1.000 tus shâuv xênhz cơưv. Muôx têx: Tsêr cơưv ntơưr, qar tsêr cơưv bộ môn, thư viện, tsêr ban giám hiệu; tsêr shâuv xênhz nhoz, tsêr uô cxuô zav, tsêr trâu shâuv xênhz nox mor thiaz ntâu zav, muôx tsêr luôv đêx, yar puôv tưr thể thao ddros strâu iz cxia txơưr,… paz max tâu hâux lưv kria thiaz shâuv xênhz cơưv shâuv.

Ntơưv jias uô hâux lưv, Đồng chí Bộ Trưởng Bộ Dân tộc thiaz Tôn giáo haik mênhx, luz yar cơưv tâu piz uô ntơưv xã Lóng Sập no, zuôr paz tsôngv pêx xênhv tâu cơưv cêr txơưx njê, choz kria tâu ntâu fâuv nênhs txơưx njê, cxiv tsa hâux lưv choz kria côngz fênhx, huôv tsar cxix cxuô trơưk chuôs cêr hlôngr yiaz. Đồng chí cxiz cấp ủy, nov hâu cxuô cấp tỉnh Sơn La cov siz chos côngv lês, saiz luz luôs hâux lưv no zos phênhv shuôv chính trị lok six zov chênhr, siz chos paz max cxuô tsar zav cov yêv tiar qơư, zok ar paz max đơn vị lênhk uô tâu sai, jông thiaz nhaz xênhz luk hâur ntu uô. Têx đơn vị njuôk tsov, uô, saiz car zuôr tsuv uô zuk luz luôs hâux lưv tsênhr cov ndax ndênhk, cov uô yênhx yar cơưv yiaz, jông, nhaz xênhz, shâuv xênhz ndơưs, tsiv nhos Đảng, Têz qơưk thiaz pêx xênhv cxuô hair nênhs nhoz đriv têz têx cêr chia siaz.

Hlôngr njêx muôs Đảng bộ, nov hâu thiaz tsôngv pêx xênhv tỉnh Sơn La, Đồng chí Nguyễn Minh Tiến, Phó Chủ tịch UBPX tỉnh tưz uô tsâus Đảng, Têz qơưk tưz chox car thiaz paz max nzor tâu uô Yar cơưv ntơưr ntơưv têx đriv têz hâur tỉnh. Tsik tas li, cux lênhk zuôr tror chox car cxuô sở, ngành, đơn vị cov siz chos đơưk cov tâu sai cxuô zav muôx yưv thâuv uô yar cơưv; ngành choz kria tỉnh bax cán bộ, cưk kria chia lês hâux lưv choz thâuv uô tiar yar cơưv lok zôngv cov muôx kaz hâu, kria ntơưr truôx njês, yênhx kror qơư choz kria cêr txơưx njê, paz shâuv xênhz hair nênhs tsơưs đriv Têz qơưk châuv chuôs txox cêr chia siaz.

Ndax jias no, Bộ Dân tộc thiaz Tôn giáo, tỉnh Sơn La tưz puz huv trâu Yar cơưv PTDT bán trú TH thiaz THCS Lóng Sập; puz huv trâu 10 lênhx tâu pêx xênhv njênhs, 20 ziv pluôs ntơưv xã Lóng Sập.

Cias uô kaz ntơư, têx đại biểu tưz iz cxix piz khơưz ar uô Yar cơưv Phổ thông nội trú liên cấp Tiểu học - Trung học cơ sở xã Lóng Sập, đros trâu 71 luz yar cơưv txơưr ntơưv têx tỉnh đriv têz thôngz têz qơưk.