Côngv jâus kriz muôx đồng chí: Mai Văn Chính, Phó Thủ tướng Chính phủ; thơưx car têx bộ, ban, ngành Trung ương; thơưx car tỉnh Hòa Bình thiaz Điện Biên.

Tỉnh Sơn La muôx têx đồng chí: Hoàng Quốc Khánh, Bí thư Tỉnh ủy; Nguyễn Đình Việt, Phó Bí thư Tỉnh ủy, Chủ tịch UBPX tỉnh, Thơưx Paz đại biểu Quốc hội tỉnh; têx đồng chí kuz thơưx car tỉnh đhâu cxuô ntu; têx đồng chí Ủy viên Ban Thường vụ Tỉnh ủy; thơưx car HĐPX, UBPX, UBMTTQ Việt Nam tỉnh, Paz ĐBQH tỉnh; thơưx car têx sở, ban, ngành; thơưx car thị xã Mộc Châu, huyện Vân Hồ đros trâu chôngz pêx xênhv nhoz hâur thxx tsav njia njôngr âus kriz uô.

Dự án muôz nhiax uô txox cêr yêz mul chinhr Hòa Bình – Mộc Châu ntu cêr nhoz thax tsav tỉnh Sơn La muôx 3 dự án zov chinhr, li: Thêv nhiax, paz, yaik pêx xênhv nhoz qơư yiaz chia zok ar thax tsav huyện Vân Hồ zos UBPX huyện Vân Hồ muôz nhiax lês, đêz txos 31,25 caik, xav muôz nto 456 tỷ nhiax; Thêv nhiax, paz, yaik pêx xênhv nhoz qơư yiaz chia zok ar thax tsav thị xã Mộc Châu zos UBPX thị xã Mộc Châu muôz nhiax lês, đêz 1,05 caik, xav uô tas 37 tỷ nhiax, đhâu kho đuô nhiax mal 63 tỷ nhiax; Dự án Muôz nhiax uô txox cêr yêz zos Ban Quản lý dự án muôz nhiax uô têx cêr yêz tỉnh Sơn La zos tus tsưr ro nhiax uô, xav đêz 32,3 caik, tas nro hur si 4.445 tỷ nhiax.

Xav hur ntu cêr yêz mul chinhr mal 32,3 Caik. Ntơưv hâu piz cias Caik 53+00 thax tsav xã Chiềng Yên, huyện Vân Hồ, tỉnh Sơn La, txuôk trâu Dự án txox cêr yêz mul chinhr Hòa Bình - Mộc Châu ntu thax tsav tỉnh Hòa Bình. Ntu cơưs suôx câuv trâu Caik 85+262, txuôk trâu Cêr têz qơưk 43, thax tsav phường Vân Sơn, thị xã Mộc Châu, tỉnh Sơn La. Ntu cxiv tsa uô dự án txix shông 2025-2028.

Muôx lul trâu jâus kriz uô, đồng chí Nguyễn Đình Việt, Phó Bí thư Tỉnh ủy, Chủ tịch UBPX tỉnh, haik mênhx: Dự án cêr yêz mul chinhr  Hòa Bình - Mộc Châu zos txox cêr txuôk txix thax tsav Tây Bắc trâu thax tsav ntar jas Bắc Bộ thiaz Thủ đô Hà Nội, zos txox cêr zov chinhr truz lur, txo tsơưs six hơưv mul lol, kriz đar qơư huôv tsar uô luôv yiaz trâu tỉnh Sơn La thiaz thax tsav Tây Bắc. Dự án zos pêx xênhv cxuô hair nênhs tỉnh Sơn La cêr chia siaz haik khênhx thiaz  pêx xênhv cxuô hair nênhs Tây Bắc haik tas nro, chiv trâu iz ntu huôv tsar yiaz, kriz cêr lax luôv thiaz huôv tsar nhiax txiax - xã hội, cxuz cêr yaiz pluôs sai, truôx njês đuô.

Muôx lul chox car jâus piz uô, đồng chí Mai Văn Chính, Phó Thủ tướng Chính phủ tưz kruôk tỉnh Sơn La, tỉnh Hòa Bình thiaz têx đơn vị cik txos tưz moz siaz lês côngz xưv bax nhiax uô, thêv nhiax, yêv qơư, uô tiar ntâuz ntơưr zov chinhr chia piz uô dự án trơưk li tuôr xav. Đồng chí tưz haik: Dự án cêr yêz mul chinhr Hòa Bình - Mộc Châu zos chinhr chưr trâu Đảng, Têz qơưk sir jos trâu hâux lưv muôz nhiax uô cêr yêz, yax hlo mal têx thax tsav tsênhv yuôr ntâu cêr txov nhêv li Tây Bắc.

Đồng chí Phó Thủ tướng njênhs tiak dự án Muôz nhiax uô txox cêr yêz mul chinhr Hòa Bình - Mộc Châu, ntu thax tsav tỉnh Sơn La zuôr tâu cxiv tsa thiaz uô tiar muôz lol zôngv trơưk li tuôr xav, paz iz phênhv tưs zov chinhr trâu cêr huôv tsar ntơưv tỉnh Sơn La thiaz têx tỉnh nhoz jê, chuôz jos yiaz, cxơưz paz thax tsav huôv tsar truôx njês trâu chinhz tsav Tây Bắc.

Sâu nhav têx lul ntơưv Phó Thủ tướng Chính phủ Mai Văn Chính, đồng chí Hoàng Quốc Khánh, Bí thư Tỉnh ủy Sơn La chok nxias: Đảng bộ, chính quyền thiaz pêx xênhv cxuô hair nênhs tỉnh Sơn La zuôr paz zôngx ziv trâu têx nênhs nhav uô cxiv puôz. Tỉnh Sơn La zuôr tror đros têx bộ, ngành Trung ương thiaz têx tuz luôv nhav uô cxiv puôz nhav nxias uô tâu trơưk li tuôr xav, jông, nhaz xênhz thiaz fiv huv trâu đêx ar huôz chuô. Ndo njôngr cxênhz njuôk xav, gruô hu nhiax, bax cxuô zav chia nzaz nzơưv huôv tsar cxuô zav fiv huv txix li muôx dự án; lês jông hâux lưv chia cxơưz tỉnh huôv tsar njuôz, sai, truôx njês.

Sâu nhav thiaz kruôk cấp ủy, chính quyền têx hâux lưv uô tâu, lar haik mal côngz xưv fuô kria, zaz zâuv pêx xênhv yêv qơư chia uô dự án, Phó Thủ tướng Chính phủ Mai Văn Chính đros têx đồng chí thơưx car tỉnh tưz puz huv trâu têx tus khênhx uô tâu jông hâux lưv fuô lês dự án ntơưv têx xã nhoz huyện Vân Hồ thiaz phường Vân Sơn, thị xã Mộc Châu; puz huv trâu têx tuz luôv lês Dự án muôz nhiax uô txox cêr yêz mul chinhr Hòa Bình – Mộc Châu ntu nhoz thax tsav tỉnh Sơn La.

Tas ntơư, Phó Thủ tướng Chính phủ Mai Văn Chính đros thơưx car têx bộ, ngành Trung ương thiaz thơưx car tỉnh tưz khơưz ar kiz lês Dự án uô cêr yêz mul chinhr Hòa Bình – Mộc Châu ntu thax tsav tỉnh Sơn La.