Ntơưv tỉnh Sơn La, tưz kriz Jias piz lês 2 kror qơư: Dự án cxiv puôz, kho đuô têx hâux lưv hâur qơư lês nuv Tỉnh ủy thiaz Dự án tsêr mair gruk đêx Chiềng Dong. Ntơư zos 2 kror qơư ntơưv tỉnh Sơn La tâu Bộ Cxiv puôz tso chai chia lês saiz hloz Đại hội đại hội đại biểu hur si têz qơưk jias tiv 14 ntơưv Đảng.

Jias kriz lês hâux lưv ntơưv tỉnh Sơn La tâu kriz yưv tiviv txos trâu Tuôv Chinhz Hà Nội, đros trâu 79 kror qơư txơưr hâur hur si têz qơưk thiaz tâu tso trâu sâuv yôngx VTV1, sâuv yôngx STV thiaz têx yôngx fuô mông ntơưv Báo thiaz Xor tôngx chuô, xa đuôz Sơn La.

Jias piz lês Dự án cxiv puôz, kho đuô têx hâux lưv hâur qơư lês nuv Tỉnh ủy muôx têx đồng chí: Lò Minh Hùng, Phó Bí thư Thường trực Tỉnh ủy, Chủ tịch HĐPX tỉnh; Vi Đức Thọ, Ủy viên Ban Thường vụ Tỉnh ủy, Phó Chủ tịch Thường trực HĐPX tỉnh; Hà Trung Chiến, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh; têx đồng chí hâur Ban Thường vụ Tỉnh ủy; Thường trực HĐPX, UBPX, Ủy ban MTTQ Việt Nam tỉnh; thơưx car têx sở, ban, ngành ntơưv tỉnh.

Dự án kho đuô, cxiv puôz yiaz Qơư lês hâux lưv Tỉnh ủy thiaz têx hâux lưv hâur Tỉnh ủy zos Ban Saiz car dự án dân dụng công nghiệp thiaz huôv tsar đrôngs uô Tsưr cxưx nhiax. Dự án muôx têx hâux lưv li: Cxiv puôz luz tsêr uô hâux lưv 7 yôngx thiaz têx hâux lưv txơưr; kho đuô tsêr uô hâux lưv Thường trực Tỉnh ủy thiaz Văn phòng Tỉnh ủy yênhx tsêr nox mor, tsêr khuô, tsêr pư; kho đuô tsêr tsês ntâuz ntơưr; kho đuô Trung tâm Hội nghị tỉnh...Iz chas ntơư, muôz nhiax zuôr têx chuôz zênhx lês hâux lưv trâu cán bộ thiaz ntâu têx chuôz zênhx zov chênhr txơưr.

Muôx luk hâur Jias piz lês nuv, đồng chí Phó Bí thư Thường trực Tỉnh ủy, Chủ tịch HĐPX tỉnh cxiz cov Ban Saiz car dự án dân dụng công nghiệp thiaz huôv tsar đrôngs tỉnh chox car, siz khov truôx khor đros têx cơ quan, đơn vị cik txos, lês trơưk đraiv cêr tuôr xav tso tơưv; saiz car trơưk đraiv cêr chai têz qơưk; tsi njênhk por hưv tâu cêr nhaz xênhz hâur ntu lês hâux lưv; lês tiar thiaz muôz lok sir zôngv trơưk đraiv li cêr tuôr xav. Sir jos lês tiar dự án trâu hnuz xiaz 2/9/2027. Têx nênhs lês hâux lưv moz siaz bax cxix cxuô zav chia lês nuv; lês trơưk đraiv têx cêr chai têz qơưk, por hưv đêx ar, huôz chuô nyiaz hur, por hưv tiz nênhs đas jos, uô hâux lưv cov tâu jông thiaz trơưk đraiv cêr tuôr xav.