Dự án tsêr máy đêx Chiềng Dong, ntơưv xã Chiềng Mung zos Công ty CP Tso đêx Sơn La tsưr tso pênhr uô, xav hur si yax 230 tỷ nhiax tso đêx hur trâu têx xã, phường nhoz thành phố Sơn La (kuz) thiaz huyện Mai Sơn (kuz) sir zôngv. Đros trâu Dự án cxiv kho, uô yiaz têx hâux lưv hâur qơư uô côngz xưv Tỉnh ủy, phường Tô Hiệu, zos Ban Saiz car dự án Cxưx nhiax uô têx qơư zôngv máy uô thiaz huôv tsar đrôngs lox tỉnh Sơn La tsưr tso nhiax uô, hnuz nhôngs fuô lês 2024 - 2027.

Txos nhiv no, côngz xưv bax txưv uz no lok sâuv kror qơư, tiz nênhs, côngz xưv taz kruô, ntâuz ntơưr đai tưz tâu zênhx max uô zos li tsưr ziv tso tơưv, bax puôk tsar zav trâu jias piz uô.

Đhâu cxênhz, đồng chí Nguyễn Minh Tiến cxiz cov cxuô sở, ngành thiaz thax tsav tsuv uô tiar hâux lưv zos cêr tuôr xav, bax sâu ntâuz ntơưr mênhx pêv trâu jias piz uô, đros trung ương cơư đuôz tso yưv đhâu ti vi, lês jông côngz xưv tsưx truôx thax tsav nhoz njias to, tsav yêz muk lok nhaz xênhz, por hưv đêx ar huôz chuô nyiaz hur... Piz uô oz hâux lưv tsuv trơưk chai, mênhx pêv, muôx kaz hâu, nhaz xênhz thiaz fiv huv nhiax txiax- xã hội thax tsav, chox tâu cêr shir phaz sik tưr hâur hur si Đảng, hur si pêx xênhv saiz hloz Đại hội 14 ntơưv Đảng.