Jias piz uô tâu tso yưv ti vi txos Thủ đô Hà Nội, đros 79 kror qơư hâur hur si têz qơưk, VTV1 cux li kênh STV thiaz têx cxênhx cxênhv số ntơưv Báo thiaz Xor tôngx chuô, xa đuôz Sơn La.

Jâus no ntơưv qơư uô Dự án Tsêr máy tso đêx Chiềng Dong, xã Chiềng Mung, muôx đồng chí Cuôv Xênhv Tsaz, Phó Bí thư Tỉnh ủy, Chủ tịch Ủy ban MTTQ Việt Nam tỉnh; têx đồng chí Ủy viên Ban Thường vụ Tỉnh ủy; Thường trực HĐPX, UBPX tỉnh; thơưx car cxuô sở, ban, ngành ntơưv tỉnh; nênhs hlôngr njêx muôs tsưr muôz nhiax uô; thơưx car têx xã, phường thiaz hur si pêx xênhv hâur thax tsav xã Chiềng Mung.

Dự án cxiv puôz Tsêr máy tso đêx Chiềng Dong thiaz têx car đêx hur zos Công ty cổ phần Tso đêx Sơn La tsưr muôz nhiax uô, xav hur si 260,4 tỷ nhiax. Trơưk tsov xav, dự án tso tâu 14.000 m³ đêx/hnuz hmo; tsêr máy tâu cxưx nhiax cxiv puôz ntơưv jok Xum, xã Chiềng Mung, hâur thax ar đar 1,2 ha, đros cxiv puôz têx kror qơư liv đêx, ntiv đêx, chaz điện, lar haik têx car đêx hur txuôk thôngz plơưk hâur thax tsav têx phường: Tô Hiệu, Chiềng Cơi, Chiềng Sinh thiaz têx xã: Chiềng Mung, Mai Sơn.

Dự án tâu tsov xav zos luôs hâux lưv muôx txiax njis lok six zov chênhr lok sâuv nhiax txiax- xã hội, kria pâuz mênhx kror moz siaz ntơưv cấp ủy, nov hâu hâur por hưv pêx xênhv luz nênhx tâu jông cux li tuôr xav thax tsav huôv tsar truôx njês hâur ntu nênhx yiaz nhiv no.  

Dự án chia siaz bax txâuk đêx hur txâuk chai trâu yênhx châuv cxênhz ziv pêx xênhv nhoz ntơưv thax tsav thành phố Sơn La thiaz thax tsav Mai Sơn (kuz), paz bax txâuk đêx trâu thax tsav muôx pêx xênhv nhoz chôngz, têx qơư uô luôv, huôv tsar thiaz thax tsav xuôk máy uô sir zôngv; por hưv jông đêx ar huôz chuô nyiaz hur, pêx xênhv muôx đas jos thiaz cxơưz huôv tsar nhiax txiax- xã hội truôx njês trâu hur si thax tsav dự án. 

Fuô luk hâur Jias piz cxiv puôz, đồng chí Cuôv Xênhv Tsaz, Phó Bí thư Tỉnh ủy, Chủ tịch Ủy ban MTTQ Việt Nam tỉnh cxiz cov tsưr muôz nhiax uô dự án moz siaz gruô hu tiz nênhs, zênhx max uô tiar hâux lưv tâu zok, nhav nxiak uô jông uô, nhaz xênhz thiaz por hưv đêx ar huôz chuô nyiaz hur hâur ntu cxiv puôz; nzor uô tiar dự án thiaz muôz zok sir zôngv, chia bax txâuk đêx trâu pêx xênhv hâur thax tsav hâuk. Saiz car, sir zôngv dự án muôx kaz hâu, nhav nxiak liv tơưv thiaz tso đêx hur paz tâu zênhx max pêx xênhv luz nênhx, hâux lưv huôv tsar kôngz lông- uô lax luôv nhiv no thiaz ntu nênhx tov kaz. Đảng ủy UBPX tỉnh moz siaz, chox car têx sở, ban, ngành cik txos siz chos lês hâux lưv ntov nti, paz zênhx max đơưk tâu sai cêr txov nhêv, khuôv đais hâur ntu fuô lês dự án. Cấp ủy, nov hâu thax tsav nhoz qơư cxiv puôz dự án tror lês jông côngz xưv fuô kria, zaz zâuv pêx xênhv jông siaz côngv đros uô, paz nzor uô tiar côngz xưv yaik qơư nhoz yiaz, nhav nxiak tsưx truôx thax tsav cxiv puôz njias to thiaz sir zôngv đêx muôx kaz hâu.