Ntơư zos 2 hâur 13 yar cơưv liên cấp tâu fuô lês hâur tỉnh Sơn La trơưk Câuk luk số 81-TB/TW ntơưv Bộ Chính trị lok sâuv muôz nhiax cxiv puôz yar cơưv trâu têx xã đriv têz.

Yar cơưv nội trú liên cấp TH - THCS Sốp Cộp tâu cxiv puôz ntơưv jok Sốp Nặm, xã Sốp Cộp. Công trình zos Ban Quản lý Saiz car dự án Dân dụng công nghiệp thiaz Huôv tsar đrôngs tỉnh Sơn La uô tsưr cxưx nhiax lês, muôx têx qơư, li: Tsêr cơưv, qar uô hâux lưv, qar cơưv bộ môn, thư viện, tsêr ban giám hiệu; tsêr trâu cưk kria thiaz shâuv xênhz nhoz… Chia cov cxiv puôz yar cơưv tâu sai, têx đơn vị lês hâux lưv tưz chos luk gruô hu tiz nênhs, yêz cxuô zav chia lês hâux lưv cov trơưk đraiv cêr tuôr xav tso tơưv.

Yar cơưv nội trú liên cấp TH - THCS Mường Lạn tâu cxiv puôz ntơưv jok Mường Lạn, xã Mường Lạn. Đar 4,9 ha, zos yar cơưv cấp III, txâuk trâu 1.000 lênhx shâuv xênhz cơưv. Yar cơưv muôx têx qơư li: Tsêr cơưv, qar cơưv bộ môn, thư viện, tsêr ban giám hiệu; qơư nox, nhoz trâu cưk kria thiaz shuv xênhz, tsêr uô si, pak đêx, tsêr yêz thiaz iz cxia hâux lưv txơưr... fiv huv trâu hâux lưv choz kria, cơưv ntơưr.

Cias tov kaz môngs cêr tuôr xav fuô lês têx dự án, têx đại biểu tưz lês hâux lưv piz cxiv puôz Yar cơưv nội trú liên cấp TH - THCS Sốp Cộp thiaz Mường Lạn.