Đros muk muôx đồng chí: Hoàng Văn Nghiệm, Bí thư Tỉnh ủy, Thơưx paz đại biểu Quốc hội tỉnh; Nguyễn Đình Việt, Phó Bí thư Tỉnh ủy, Chủ tịch UBPX tỉnh; thơưx car iz cxia sở, ngành ntơưv tỉnh.

Phó Thủ tướng Chính phủ đros Paz côngz xưv tưz cxênhz yuôx hâux lưv uô kôngz lông, lax luôv ntơưv Trung tâm tsuôv cuô, tsưx tsês kôngz DOVECO Sơn La ntơưv xã Mai Sơn. Tov kaz 2 shông lês hâux lưv, Trung tâm tsuôv cuô, tsưx tsês kôngz DOVECO Sơn La tưz cxiv tsa qơư siz khov chos kôngz truôx njês đros trâu yênhx cxênhz zis tuz kôngz chos yax 5.200 ha ntông nox txir, jâuz cxuô zav. Shông 2025, Trung tâm tuôr xav zuôr sâu zuôr thiaz tsuôv cuô, tsưx tsês 80.000 tấn kôngz, txir nox cxuô zav.

Phó Thủ tướng tưz kruôk txos têx cêr sir jos ntơưv tsêr luôv hâur muôz nhiax zuôr mair, kriz đar qơư chos kôngz thiaz cxiv tsa qơư siz khov, cxơưz paz zov chênhr chia cxiv kho đuô qơư chos kôngz ntoưv tỉnh Sơn La trơưk faz truôx njês thiaz tâu jông. Phó Thủ tướng Chính phủ cxiz cov DOVECO tror cxaz nzir pênhr xưv tsuôv cuô, tsưx tsês chia muôs muk trâu oz chas têz. Cxiz cov tỉnh Sơn La siz khov truôx khor đros tsêr luôv hâur tuôr xav qơư chos, sir jos siz khov đros tuz kôngz thiaz paz cxiv puôz cêr yêz cxuô zav chia paz max uô kôngz lông ntơưv thax tsav.

Txuôk nzir, Phó Thủ tướng tưz mul cxênhz Dự án cxiv puôz txox cêr Chiềng Sinh-Chiềng Ngần, ntu Km2+327- Km7+527 (nhoz hâur thax tsav thành phố Sơn La kuz). Dự án tuôr xav uô tas 130 tỷ đaiv txix li pênhr nhiax ntơưv tỉnh, chia cov lês tiar cêr tuôr xav cxiv tsa đrôngs hov I thiaz fiv huv trâu hâux lưv muk lok, uô kôngz lông ntơưv pêx xênhv. Dự án lês hâur ntu 2024-2027; txos nhiv no, côngz xưv thêv nhiax sâu ar tror kaz tưz lês tiar trâu hur si 39/39 zis thiaz paz pơưs. Lok sâuv muôz nhiax, hur si pênhr nhiax tâu zok yax 64 tỷ đồng; tưz muôz tâu 46 tỷ đồng, tâu 71%.

Cxênhz yuôx hâux lưv ntơưv Trung tâm paz uô ntâuz ntơưr têz qơưk phường Chiềng Cơi, Phó Thủ tướng Chính phủ tưz kruôk txos têx cêr sir jos ntơưv nov hâu phường Chiềng Cơi hâur hlôngr uô ntâuz ntơưr têz qơưk đros trâu hâux lưv hlôngr pâur số, đros ntơư cxiz cov tror lês tiar thiện hạ tầng công nghệ thông tin, moz siaz sir zôngv ứng dụng dữ liệu số thiaz cxaz nzir pênhr xưv trâu têx cán bộ. Lês jông hâux lưv uô ntâuz ntơưr thiaz mnôngs pêx xênhv têx cêr nyơư chia cxiv tsa cov tâu qơư lês hâux lưv tâu jông thiaz muôx liv.